Koronavırýs • 15 Naýryz, 2020

Búgin Almatyda anyqtalǵan naýqastar kimder?

3300 ret kórsetildi

Búgin, 2020 jyldyń 15 naýryzynda Almaty qalasy óńirlik kommýnıkasııa qyzmetiniń alańynda Almaty qalasy Qoǵamdyq densaýlyq basqarmasynyń basshysy Tileýhan Ábildaevtiń qatysýymen onlaın-baspasóz konferensııasy ótip jatyr. BAQ ókilderi tarapynan megapolıstegi bılik ókilderine qoıylyp jatqan suraqtar legi óte kóp. 

Onlaın-konferensııada belgili bolǵandaı, taǵy 2 adamda koronavırýs bar ekeni aıtyldy. Alǵashqy naýqas 1958 jyly týǵan, buryn aýrýhanaǵa jatqyzylǵan er adamnyń jubaıy, olar Máskeýden Almatyǵa kelgen. Olar buǵan deıin oqshaýlanǵan. Tekseris nátıjesinde koronavırýs juqtyrǵany rastaldy.

Ekinshi naýqas 1995 jyly týǵan er adam 13 naýryzda Seýl–Almaty reısimen keldi. Ol borttaǵy barlyq jolaýshylar sııaqty 14 kúndik karantınge arnalǵan provızorlyq stasıonarǵa birden oqshaýlandy.

Naýqastarmen jaqyn baılanysta bolǵan barlyq adam karantınge ornalastyryldy.

ıo

Buǵan deıin habarlanǵandaı, Germanııadan kelgen úsh pasıent bar. Tórtinshisi Máskeý-Almaty reısimen keldi.

Qazirgi ýaqytta 4 naýqastyń jaǵdaıy qanaǵattanarlyq, ekeýinde dert aýyrlyǵy ortasha. Olardyń barlyǵy bekitilgen hattamaǵa sáıkes em alýda, der kezinde vırýsqa qarsy jáne sımptomatıkalyq terapııa bastaldy.

Qalanyń barlyq medısınalyq uıymdarynyń koronavırýsty anyqtaý jáne emdeý úshin dárilik zattar men medısınalyq maqsattaǵy buıymdardyń qajetti qorlary bar ekenin atap ótý qajet, medısına qyzmetkerleri qatań saqtyq sharalaryn saqtap otyr.

Sońǵy jańalyqtar

Qazaqstanda dollar qymbattady

Ekonomıka • Keshe

Uqsas jańalyqtar