Ekonomıka • 16 Naýryz, 2020

Teńge erkin aınalymǵa kete me?

207 retkórsetildi

Tańerten munaı baǵasy barreline 32,8 dollarǵa deıin tómendedi. Sonymen birge álemdik qor naryqtaryndaǵy ındekster, ınvestorlar arasyndaǵy teris kútýler nátıjesinde sońǵy 30 jyldaǵy eń úlken quldyraýdy kórsetti.

Sarapshy Oljas Tóleýov búginnen bastap Ulttyq Bank erkin aıyrbas baǵamyn qalyptastyrý jáne ınflıasııalyq targetteý saıasatyna sáıkes tepe-teńdik baǵamyn qalyptastyrýǵa óz úlesin qosýǵa nıet tanytqanyn aıtty. Basqasha aıtqanda, qazir Ulttyq Bank valıýta naryǵyndaǵy óziniń qatysýyn azaıtyp jatyr.

Bul  naryqtyq jaǵdaılarǵa teńgege óziniń tepe-teńdik qunyn óz betinshe anyqtaýǵa múmkindik beredi. 

Qazirgi ýaqytta, ekinshi deńgeıli bankterdiń qazynashylyq aqparat kózderine sáıkes, AQSh dollaryn satýdyń maksımaldy baǵasy 425 dollardy quraıdy, bul baǵa aıyrbas pýnktterinde jetkende 427-430 teńgege kóterilip  ketýi múmkin.

«Qazir sarapshylar úshin eń qyzyqty syrt kóz «shapshańdyq» dep baǵa berip jatqan búgingi sheshimniń nemen bitetini: Teńgeniń  eń tómengi dálizi qansha bolatyndyǵy.

«Ulttyq banktiń búgingi sheshimi, kerek jáne der mezgilinde qabyldanǵan sheshim» deıdi Oljas Tóleýov.

Kelesi qarjyger Jaras Ahmetov  valıýtaǵa degen suranys onyń usynysynan asyp túsetinin túsiný kerek ekenin aıtady. Bul teńgeniń álsireýine ákeledi. Suranys pen usynys arasyndaǵy tepe-teńdik qalyptasqansha bizdiń valıýta álsireıdi.

«Bul prosess qansha ýaqytqa sozylýy múmkin» degen suraqqa qarjyger úshinshi nusqa, suranys pen usynys arasyndaǵy tepe-teńdik anyqtalǵansha dep jaýap berdi. Osy rette sarapshylar  «teńge qaı deńgeıde álsireýi múmkin» degen suraqqa jaýap izdep jatyr. 

«Teńgege degen suranysqa ShOB-tyń damýy, IJО́. Munymen qosa  teńgege degen suranysqa syrtqy jáne ishki faktorlar da áser etedi.  Teńge  biz oılaǵan deńgeıden de tómen quldyrap ketpeý úshin ishki óndiristiń kúre tamyryna qan júgirtýdi búginnen bastap oılaý kerek. Sonymen qatar ishki naryqtyń ınvestısııalyq tartymdylyǵyn kóterý de mańyzdy faktor» deıdi Jaras Ahmetov. 

Sarapshy–qarjyger Ánýar Úshbaev árbir jańa daǵdarysqa ekonomıkalyq jáne áleýmettik qıyndyqtardyń aldyn-ala eskerilmegeni  sebep bolyp jatqanyn aıtady. Qazir ishki naryq asa saýatty mamandardyń pikiri aýadaı qajet.

Sonymen birge Ánýar Úshbaev ulttyq valıýta reseılik valıýta baǵamyna sáıkes keledi dep kútedi. Jaǵdaıdy turaqtandyrý úshin, Ulttyq bank sektoryn saýyqtyrý  baǵdarlamasyn shekteýi kerek.

«Júıeli mańyzy joq jáne negizgi aktıvteri memlekettik baǵaly qaǵazdardaǵy bes-alty qarjy ınstıtýtyn qysqartý qısyndy. Olar teńgege qaýip tóndiredi. Sondyqtan bank osy qarjy ınstıtýttaryndaǵy aqsha naryqqa áser etpeýi úshin mólsherlemeni kóterdi. Mundaı bankterdi tamaqtandyrýdy toqtatyp, aqsha-nesıe saıasatyn ózgertý kerek », - dedi ol.

Á. Úshbaevtyń  paıymdaýynsha, Ulttyq bank valıýta naryǵyn qalyptastyrýda óte tıimdi quraldar jınaǵyna ıe.

«Ulttyq banktiń aldyna qandaı maqsattar qoıylatyndyǵy týraly jan-jaqty aıtty. Qazir birqatar ishki jáne syrtqy faktorlar teńgege qysym jasap jatyr. Sondyqtan qazaqstandyq valıýta kez kelgen jaǵdaıda ýaqyt memlekettiń qoldaýy bolmasa – álsireıdi. Aldaǵy ýaqytta Ulttyq bank qarjylyq-ekonomıkalyq saıasatyna ózgerister engizý kerek»,- deıdi Á. Úshbaev. 

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar