Qoǵam • 16 Naýryz, 2020

«QazMunaıGaz» kompanııasynyń eki qyzmetkerinen koronavırýsqa saraptama alyndy

145 retkórsetildi

Qyzmetkerlerdiń bireýi Frankfýrtten Nur-Sultan qalasyna kelgen reıste koronavırýstyq ınfeksııany juqtyrǵan naýqaspen birge bir ushaqta bolǵan. Al ekinshi qyzmetker Nur-Sultan qalasynan Almaty qalasyna deıin osy ushaqpen ushyp barǵan kórinedi. Algorıtmge sáıkes, COVID-19 bar-joǵyn anyqtaý úshin qyzmetkerlerden koronavırýsqa saraptama alyndy.

- Kompanııanyń ortalyq apparatynyń eki qyzmetkeri koronavırýstyq ınfeksııany juktyrýy múmkin degen kúdik bolǵanyn habarlaýdy jón kórdik. Qyzmetkerlerdiń bireýi Frankfýrtten Nur-Sultan qalasyna kelgen reıste koronavırýstyq ınfeksııany juqtyrǵan naýqaspen birge bir ushaqta boldy. Ekinshi qyzmetker Nur-Sultan qalasynan Almaty qalasyna deıin osy ushaqpen ushyp barǵan bolatyn. Qyzmetkerler algorıtmge sáıkes, COVID-19 bar-joǵyn anyqtaý úshin test tapsyrdy, onyń nátıjeleri teris bolyp shyqty, - delingen «QazMunaıGaz» kompanııasynyń baspasóz qyzmeti taratqan habarlamada.

«Qazaqstan Respýblıkasynda koronavırýstyq ınfeksııanyń taralýyna jol bermeý boıynsha qosymsha sharalar engizý týraly» Bas memlekettik sanıtarlyq dáriger Jandarbek Bekshınniń qaýlysyna sáıkes atalǵan qyzmetkerler «yqtımal baılanys» sanatyna jatqyzyldy. Qazirgi ýaqytta olar úıdegi karantınge ornalastyryldy.

Sonymen birge QMG kompanııalary toby qyzmetkerleriniń qaýipsizdigin barynsha qamtamasyz etý boıynsha aýqymdy sharalar qabyldanyp jatqanyn habarlaımyz:

  1. ofıstik jáne óndiristik ǵımarattarda dezınfeksııa jumystary júrgizilýde. Qyzmetkerler arasynda jeke gıgıenany saqtaý sharalary týraly túsindirý jumystary ótkizilýde;
  2. QMG kompanııalary toby boıynsha qyzmetkerlerdiń Qazaqstan aýmaǵynda, sondaı-aq shetelge issaparlardyń barlyǵyna tyıym salyndy;
  3. barlyq kópshilik is-sharalar toqtatyldy;
  4. óndiriste adamdar kóp jınalatyn jerlerde dezınfeksııa júrgizý, sondaı-aq qyzmetkerlerdiń dene qyzýyn ólsheý boıynsha barlyq qajetti sharalar qabyldanýda;
  5. ákimshilik qyzmetkerlerdiń keminde 50%-y qashyqtyqtan jumys isteý tártibine aýysýda;
  6. ortalyq apparat pen barlyq enshiles uıymdarda arnaıy jedel shtabtar quryldy.

QMG úshin qyzmetkerlerdiń qaýipsizdigi jáne úzdiksiz óndiristik qyzmetti qamtamasyz etý erekshe basymdyqqa ıe ekenin atap ótemiz.

2020 jylǵy 16 naýryzdaǵy jaǵdaı boıynsha koronavırýstyq ınfeksııaǵa shaldyqqan qyzmetkerler anyqtalmady. QMG-nyń barlyq kásiporyndary qalypty jaǵdaıda jumys istep tur.

Budan basqa, munaı men gaz óndirý, tasymaldaý jáne munaı óńdeý zaýyttaryndaǵy jumys qalypty jaǵdaıda júzege asyrylyp jatqanyn habarlaımyz. Munaı ónimderiniń tapshylyǵy baıqalmaıdy.

Kompanııa osy máselelerge baılanysty barlyq ózgerister týraly jurtshylyqty ýaqytyly habardar etip otyrýǵa nıetti.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar