Parlament • 17 Naýryz, 2020

Májiliste onlaın formatta dóńgelek ústel otyrysy ótti

25 retkórsetildi

Búgin Májiliste Palata Spıkeri Nurlan Nyǵmatýlınniń tóraǵalyǵymen «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» zań jobasyna qatysty dóńgelek ústel otyrysy ótti. Bul týraly Parlament Májilisiniń baspasóz qyzmeti habarlady.

Prezıdenttiń bastamasymen elde Tótenshe jaǵdaı jarııalanýyna baılanysty dóńgelek ústel 9 aımaqpen beıne baılanys formatynda uıymdastyryldy. Oǵan depýtattarmen qatar memlekettik organ basshylary, Májiliske kirmegen saıası partııalar, qoǵamdyq jáne memlekettik emes uıym músheleri, aqparat quraldary ókilderi qatysty.

Alǵash bolyp sóz alǵan Májilis Tóraǵasy bul qujat elimiz úshin óte mańyzdy ekenin aıta kelip, Memleket basshysy Qasym-Jomart Kemeluly Toqaev Qazaqstan halqyna Joldaýynda mıtıngter týraly zańdy jetildirý týraly tapsyrma bergenin atap ótti. Osyǵan oraı, ázirlengen zań jobasy qoǵamdyq deńgeıde uzaq talqylanyp, Májilis qaraýyna engizildi. Búginde jumys toby belsendi iske kirisken.

Dóńgelek ústelde zań jobasynyń halyq arasynda pikirtalas týdyrǵan normalaryna basa nazar aýdaryldy. Máselen, beıbit jınalystardy uıymdastyrý men ótkizý oryndaryna qatysty suraqqa kelgende Májilis Spıkeri barlyq damyǵan elderde mıtıng, jıyn, sherý, basqa da beıbit jınalystardy ótkizý úshin arnaıy talap baryn aıtty. Mysaly, jınalysty uıymdastyrýshylar onyń maqsatyn, taqyrybyn aldyn ala aıtýy kerek.

Bul - álemdik tájirıbe. Taqyryp tóńireginde, adam quqyqtary jónindegi ýákil Elvıra Azımova, Qazaqstanda parlamentarızmdi damytý qorynyń tóraıymy Záýresh Battalova, quqyqqorǵaýshy Evgenıı Jovtıs, qoǵam qaıratkeri Muhtar Taıjan, «Qazaqstannyń Azamattyq Alıansy» zańdy tulǵalar birlestiginiń prezıdenti Asylbek Qojahmetov jáne basqa da qoǵam belsendileri óz pikirlerin ortaǵa saldy. N.Nyǵmatýlın bul normany ekinshi oqylymǵa deıin pysyqtaý kerektigin aıtty.

Zań jobasynyń pikir týdyrǵan taǵy bir normasy, ol - ótinishter men habarlandyrýlardy qaraý merzimine baılanysty. Úkimettik jobada mıtıngter men jınalystardy ótkizý úshin jergilikti atqarýshy organǵa 15 kúnnen keshiktirmeı, al ereýil uıymdastyrý úshin 10 kúnnen keshiktirmeı habarlandyrý jiberý kerektigi týraly norma bar. Qoǵamdyq ókilder bul merzimdi qysqartý týraly pikirdi alǵa tartty. Májilis Tóraǵasy da osy pikirdi qostaı kelip, ekinshi oqylymǵa deıin naqtylaýdy tapsyrdy.

Talqylanyp otyrǵan qujattyń jýrnalısterge qatysty normasynda da pikir alýandyǵy bar. Mıtıngti jazyp, kórsetý úshin jýrnalısterge qoıylatyn tyıymdar men mindettemeler tizimi narazylyq týdyrǵan. Májilis Tóraǵasynyń aıtýynsha, jýrnalısterdiń quqyqtary men mártebesi qorǵalýy kerek. Sebebi, jýrnalısterdi jan-jaqty qoldaǵan kezde ǵana erkin jumys istep, halyqty barlyq aqparatpen qamtamasyz ete alady. Sol úshin jýrnalısterge beıbit sherýge qatysýmen qatar barlyq aqparatqa ashyq jáne tez qol jetkizýge múmkindik jasaý kerek. Dóńgelek ústel barysynda zań jobasynyń basqa da normalaryna qatysty ózekti suraqtar kóterildi.

Májilis Tóraǵasy aıtylǵan pikirler men usynystardyń barlyǵy ekinshi oqylymǵa deıin jumys tobynda saralanyp, pysyqtalatynyn alǵa tarta kelip, halyqqa qajetti, shynaıy jumys isteıtin zań qabyldaý qajettigin aıtty.

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Atyraý: 50 adamǵa ystyq tamaq jetkizdi

Aımaqtar • Búgin, 11:32

Uqsas jańalyqtar