Qoǵam • 18 Naýryz, 2020

Jaýapkershilik bárimizge ortaq

47 retkórsetildi

19 naýryzdan bastap Nur-Sultan jáne Almaty qalalarynda karantın rejimi engizilýine baılanysty Ortalyq kommýnıkasııalar qyzmetiniń aqparattyq alańynda elordanyń ákimi Altaı Kólginov baspasóz máslıhatyn ótkizdi.

«Shekteý men baqylaý sharalary qaýipsizdik maqsatynda kúsheıtiledi. Mysaly, avtovokzaldarda qalaaralyq avto­býs­tardyń qozǵalysyna tyıym salyndy. Sondaı-aq, elorda aý­maǵyna kirip-shyǵatyn jer­lerde shekteý qoıylady. Kólik­tiń barlyq túrleri kirip-shyǵa­tyn jerlerde koronavırýs ın­feksııasyn juqtyrdy dep kúdik keltirilgen nemese juqtyr­ǵan adamdardy anyqtaýǵa arnal­ǵan qosymsha beketter orna­tylady. Karantın men ko­men­danttyq saǵatty shatas­tyr­maýǵa shaqyramyz. Sebebi karantın – ol shekteý qoıý. Iаǵnı, qajet bolmaǵan jaǵdaıda adamdar kóp shoǵyrlanǵan jerler­ge azamattardyń barýyna shekteý qoıylady. Eń aldymen, tár­tipke, odan keıin bizdiń nusqaýlarymyzdy, Densaýlyq saqtaý mınıstriniń nusqaýyn qatań ustanýǵa shaqyramyz», dedi ol.

Sonymen qatar ol azyq-túlik dúkenderi, mashına jýatyn jerler men dárihanalar ǵana jumys isteıtinin eskertti.

«Qalanyń saýda, oıyn-saýyq ortalyqtarynda azyq-túlik dúkenderi, mashına jýatyn jerler men dárihanalar ǵana jumys isteıdi. Qalǵan saýda núkteleriniń bári ýaqytsha jumysyn toqta­ta­dy. Qaladaǵy 12 iri saýda, oıyn-saýyq ortalyqtary qazir ýaqytsha jumysyn toqtatý týraly sheshim qabyldady. Mysalǵa, Mega Silk Way-de jalǵa berip jatqan oryndarynan jalǵa berý qunyn ýaqytsha almaıdy jáne qyzmetkerleriniń jalaqysynyń 75 paıyzyn tóleýdi qoldap otyr.

Biz ózge de iri ortalyqtardyń bas­shylarymen osy baǵytta jumys istep jatyrmyz. Sonymen birge, halyqqa qyzmet kórsetý orta­­lyq­tarynyń jumysy ýa­qyt­sha shekteledi. Qazirgi ýaqytta shuǵyl másele bolmasa, atalǵan orta­lyqtarǵa barýdyń qajeti joq. Prezıdent tarapynan bar­lyq uıym basshylaryna qyz­metkerlerdiń 70 paıyzyn qashyq­tyqtan jumys jasaýǵa nemese eńbek demalysyna shyǵarýǵa usy­nys jasaldy. Osyny saqtaýdy suraımyz. Bul kommýnaldyq qyzmetkerlerge, quqyq qorǵaý, arnaıy organdarǵa, medısına qyzmetkerlerine jáne qalanyń tynys-tirshiligin qamtamasyz etetin basqa uıymdarǵa qatysty emes. Saýda, oıyn-saýyq orta­lyq­­tarynda, bazarlar jáne kom­mýnaldyq sharýashylyq, tamaq ónerkásibi, qoǵamdyq tamaqtaný oryndarynda, halyqqa qyzmet kórsetý ortalyǵynda, vokzal men áýejaıda, qonaq úılerde jáne basqa da oryndarda sanıtarlyq zararsyzdanyrý rejimi kúsheıtildi. Medısınalyq tekserýden ótýge jáne emdelýden bas tartqan, karantın rejimin saqtaýǵa beı-jaı qarap, epıdemıologııalyq jaǵdaıdy jáne basqa da jaǵ­daılardy anyqtaý úshin qolda bar málimetti jasyrǵan adamdarǵa jaýapkershilik bar ekendigin umytpaýǵa shaqyramyz. Qoǵamdyq tártipti saqtaý úshin qala aýma­ǵyn­da patrýldik baqylaý kúsheı­tiledi», dedi ol.

Jáne de qala basshysy qazirgi ýaqytta qaladaǵy saýda jeli­le­riniń qoımalarynda 47 myń tonna áleýmettik mańyzdy azyq-túlik bar ekenin aıtty.

«Bul qazirgi aılyq normany tolyqtaı jabady. Aılyq norma – 38 myń tonna. Ol qoımalardy azyq-túlik taýarlarymen qosym­sha tolyqtyramyz. Keshe elordaǵa 400 myńǵa jýyq maska jetkizildi. Aldaǵy ýaqytta taǵy 1 mln mas­kaǵa, antıseptıkterge tapsyrys berildi. Qajet bolǵan jaǵdaıda apta ishinde jetkiziledi. Sondaı aq, PIK-terge úılerdiń kire beristerin, esik tutqalaryn, bas­pal­daq jaqtaýlaryn, lıfti­ler­di kúnine eki márte zararsyzdandyrý týraly tapsyrma berilgen. Barlyq kommýnaldyq qyzmetter kúsheı­til­gen jumys rejimine aýystyryldy jáne gıgıenalyq zattarmen qamtamasyz etildi», dedi A.Kólginov.

Keshe sondaı-aq Almaty qala­sy­nyń ákimi Baqytjan Saǵyntaev ta tótenshe jaǵdaıǵa baılanysty engiziletin karantın rejiminiń negizgi sharalary mynadaı bolatynyn aıtty: 

- Megapolıste ózin ózi oq­shaýlaý jáne úı karantıni meha­nız­mderi arqyly epıdemııaǵa qar­sy aýqymdy is-sharalardy júr­gizý.

- Kóshelerdi, trotýarlardy jýý jáne dezınfeksııalaý arqyly juqtyrý oryndaryn buǵattaý.

- Qoǵamdyq oryndarda, tur­ǵyn úılerde sanıtarlyq-epı­de­mııalyq dezınfeksııany kúsheıtý jáne irgeles aýmaqtardy sanıtarlyq tazalaý.

- Azamattar men avtokólik qu­ral­darynyń Almaty qalasy aýmaǵyna kirýin/shyǵýyn shekteý.

- Almaty qalasyna kire­be­ris­ter­de 27 blok beketterin ornatý.

- Blok beketterinde Patrýldik polısııa polkiniń, JÁAT-nyń, «Granıt» polkiniń, Qorǵanys mı­nıs­­trligi men Ulttyq ulan bó­lim­­sheleriniń kúshteri jumyl­dy­rylady.

- Sonymen birge qalaǵa birinshi qajettiliktegi taýarlardy, azyq-túlik ónimderin, dári-dármekter men medısınalyq ónimderdi, jeke qorǵaný jáne gıgıena quraldaryn ákelý úshin «jasyl dáliz» júzege asyrylady.

- Karantın kezeńinde azyq-túlik emes saýda naryqtary, azyq-túlik ónimderi men dárilik zattardy satatyn oryndardan basqa, iri saýda, oıyn-saýyq ortalyqtary men saýda úıleriniń jumysy toqtatylady.

«Biz turǵyndarǵa almaty­lyq­tardyń karantın talaptaryn bilýi, qaladan ýaqtyly shyǵýy jáne kirýi úshin buqaralyq aqpa­rat quraldary, áleýmettik jeli­ler jáne messendjerler arqyly tolyq jáne júıeli túrde aqpa­rat­tar berip otyramyz. Koro­na­­vırýsqa qarsy qalalyq shtab týyn­daǵan máselelerdi jedel qarap, shuǵyl sharalar qabyl­daı­tyn bolady», dedi ákim.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar