Elbasy • 19 Naýryz, 2020

О́kilettigin toqtatsa da halyqpen baılanysyn úzbedi

27 retkórsetildi

Byltyr barlyǵymyz Elbasynyń Prezıdenttik ókilettigin toqtat­qany­na kýá boldyq. Bir jyl kóp ýaqyt emes. Degenmen Nursultan Nazarbaev sol bir jyldyń ishinde memlekettiń bedelin arttyra túsetin kóp kelissózder men kezdesýler ótkizdi, issaparlarǵa bardy. Kúni keshe Reseı astanasy Máskeýdegi saparynyń jemisti ótkenin, Máskeý memlekettik ýnıversıtetiniń rektory «Máskeý ýnıversıtetiniń Juldyzy» joǵary nagradasymen marapattaǵanyn kórdik.

Oǵan deıin Ázerbaıjan astanasy Bakýde túbi bir túrki elderi­niń basqosýyna qatysyp, saraly oıyn bildirdi. Munyń barlyǵy el ıgiligi úshin atqarylǵan jumys­tar. Nur Otan partııasynyń jıy­nyn eki ret ótkizdi, Qazaqstan halqy Assambleıasynyń Tóraǵasy retin­de de kóp jumystar atqaryp kele­di. Munyń barlyǵy – úlken qyzmet. Prezıdenttikten ketse de, halyqpen baılanysyn úzgen joq. Halyqaralyq qatynasta da, ekonomıkada da óz tájirıbesimen bóli­sip, keńesin, aqylyn aıap qalmady. Halyqaralyq arenadaǵy bedeli eselene tústi.

Estýimshe, halyq ta Elbasyny saǵynǵandaı. Álbette, 30 jylǵa jýyq el basqardy, halyqtyń sa­ǵynýy oryndy. Jeltoqsanda kez­des­kenimizde de jumystyń kóp ekenin aıtqan edi. Elbasynyń qazirgi jumysyna rızamyz.

Buıyrsa, aldaǵy ýaqytta táýel­sizdigimizge 30 jyl tolady. Sa­lystyryp aıtar bolsaq, men mınıstr bolyp qyzmet etkendegi Qazaqstan men búgingi Qazaqstannyń arasy aspan men jerdeı sekildi. 30 jylda kóp tabysqa qol jetkizdik. Ekonomıkamyz da, ishki, syrtqy saıasatymyz da, aýyl sharýashyly­ǵy da júıelendi. Shekaramyz bekı tústi, ıadrolyq qarýdan bas tart­qany­myz da úlken jetistik. Bul rette Elbasynyń eńbegi eren. Halqyna bergen ýádesin oryndaý úshin ýaqytyn da, densaýlyǵyn da jumysyna arnady. «Qazaqpyn, elimniń patrıotymyn» dep kúsh-jigerin el damýyna jumsady. Búginde ekonomıkasy damyǵan, beıbit elde ómir súrip jatyrmyz. Elordamyzdyń da kórki kóz tartady. Qazir qaıda barsań da, álem halqy Qazaqstandy tanıtyn boldy, Elbasy týraly oılary da oń. Sondyqtan osyndaı uly bar qazaq halqy, bir-birine qamqor halqy bar Elbasy da baqytty.

Men Nursultan Nazarbaevty stýdent kezimnen tanımyn. Eńbek jolynyń eń alǵashqy kezeńderine de kýámin. Halqymyzdyń ıgiligi úshin qyzmet etken azamat retinde syılaımyn.

 

Tóleýtaı SÚLEIMENOV,

Memleket qaıratkeri, Qazaqstan Respýblıkasynyń tuńǵysh Syrtqy ister mınıstri

Sońǵy jańalyqtar

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Atyraý: 50 adamǵa ystyq tamaq jetkizdi

Aımaqtar • Búgin, 11:32

Kásipkerler tilegi eskerildi

Qoǵam • Búgin, 11:11

Uqsas jańalyqtar