Aımaqtar • 19 Naýryz, 2020

Mektep túlekteri aýyldy qýanyshqa bóledi

17 retkórsetildi

Kezinde aýyldaǵy orta mektepti bitirgen túlekter qazir ár salada eńbek etip, qyzmet atqarýda. Týǵan aýyldaryn, bilim alǵan mektepterin umytpaı, qoldaý kórsetýde. Maqsat – aýyl shyraıyn keltirip turǵan shaǵyn mekteptiń jabylmaýyna úles qosý.

Ár jyldary oqyǵan tú­lekter birlesip, oqýshylarǵa qajetti jańa zamanǵa saı jab­­dyqtar, qurylǵylar alyp be­rýde. Jýyrda ózderi oqy­ǵan mektepke jańa modı­fı­ka­sııalyq úlgidegi «Teacher office» kabınetin syıǵa tartty.

– Qazir muǵalimder jańa modıfıkasııalyq kabınet jab­dyqtarymen tanysyp, ju­mys isteý ádistemesin meń­gerýde, ony sabaq josparla­ryna saı qurap, zertteý ju­mys­taryn ótkizýde. Árbir mu­ǵalim kommýnıkasııa men aqp­a­rattyń zamanaýı jelilik tehnologııalaryn meńgerýi tıis, – deıdi mektep dırektory Anar Jetibaeva.

Árıne bul shalǵaıdaǵy aýyl muǵalimderi úshin qýa­nysh. Bul kúnderi Malaısary batyr atyndaǵy aýyl mek­tebinde 113 oqýshy oqıdy. Al aýyl­daǵy shaǵyn mektep­ke erekshe kabınetti Qar­shy­ǵa Qasenov, Tımýr Jańa­taev, Janarbek Tó­leýov, Er­kin Ádilbaev, Ar­daq Jaq­sym­beko­v, Berik Ábdira­manov, Qa­ıyr­keldi Shakar­ǵalıev jáne basqa da túlekter birlesip syıǵa tartty.

Buǵan deıin de mektep tú­lek­teri ınformatıka, shah­mat, to­ǵyzqumalaq, dom­­byra ka­bı­netteriniń ashylýyna úles qosypty. Oqý­shylar sabaqtan sońǵy bos ýaqyttaryn tıimdi paıdalaný maqsatynda túrli úıirmelerge qatysady. Mysaly, aýylǵa kelgen jas mýzyka mamany Gúlnáz Bolathanqyzy júr­gizetin «Dombyra-das­tan» úıir­mesi, Myrzabek Ja­ba­ǵın­niń jetekshiligimen ótetin «Shahmat», «Jas ınformatık» úıirmeleri bar.

– Bizdiń ár oqýshy belsendi. Intellektýaldyq oılary jaqsy. Muǵalimniń mindeti – mádenıetti, shyǵarmashyl, áleýmettik beıimdelgen tulǵa qalyptastyrý. Aýyl mektebi oqýshylarynyń qabiletterin jan-jaqty damytyp, shy­ǵar­mashylyǵyn ushtaı bilý úshin muǵalim ózi shyǵarmashyl bolýy tıis, – deıdi Anar Jeti­baeva.

Al bir kezderi ózderi oqy­ǵan mektepterine demeý­shilik kómek kórsetip júrgen aýyldaryn umytpaǵan túlekterge turǵyndar rıza. Aýylda oqyp erjetken Beken Jumabekov, Serik Shahajanov, Manarbek Abdrahmanov, Nurjan Oma­rov, Qýanysh Sarsekeev sııaq­ty qazir kásiporyndar bas­qaryp, joǵary qyzmet at­­qa­­ratyn túlekterimen aýyl hal­­qy maqtanady.

Aldaǵy ýaqytta mektep túlekteri birlesip, Malaısary batyrdyń 320 jyldyǵyna oraı aýylda eskertkish-bıýst ornatpaq.

 

Pavlodar oblysy,

Maı aýdany,

Malaısary aýyly

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar