Aımaqtar • 19 Naýryz, 2020

Megapolıske jaqyn aýmaqta qosymsha shekteý beketteri ashylady

466 retkórsetildi

Búginnen bastap Nur-Sultan jáne Almaty qalalary karantınge jabyldy. Qazir Almaty qalasynyń aýmaǵyna enetin qatynas joldaryna 27 jerden shekteý beketteri qoıylǵan. Bul jaǵdaı megapolıspen shektesetin Almaty oblysynyń 5 aýdany turǵyndary úshin de alańdaýǵa negiz bolyp otyr.

О́ıtkeni, Almaty qalasyna oblys aýmaǵynan kún saıyn 250 myń adamǵa deıin qatynap jumys isteıtini jaıynda derek bar. Turǵyndardyń basym bóligi Ile, Qarasaı, Jambyl, Talǵar, Eńbekshiqazaq jáne Qapshaǵaı qalasynan megapolıske jol tartady eken. Qazir adamdardyń qalaǵa kirip, shyǵýy qatań baqylaýda. Osyǵan oraı, oblys pen qala bıligi birlesip jumys berýshiler men qyzmetkerler arasyndaǵy eńbek qatynasyn rettetýdi qolǵa alǵan. Kásiporyndar men mekemeler jumysshylary úshin qashyqtan jumys isteýge jaǵdaı jasap, eńbek saǵattaryn qysqartýǵa kóshti.

Keshe túnde Almaty oblysynyń ákimi Amandyq Batalov pen Almaty qalasynyń ákimi Baqytjan Saǵyntaevpen birge megapolıs shekarasyna qoıylǵan ótkizý, tekserý  beketteriniń jumysymen tanysty.

-Oblys aýmaǵyndaǵy epıdemıologııalyq jaǵdaı turaqty. Tótenshe jaǵdaıǵa baılanysty tıisti shara qabyldanyp, turǵyndardyń qaýipsizdigin qamtamasyz etýge barynsha kúsh salyp otyrmyz. Árıne, Almaty qalasymen shektesetin aýdan turǵyndary úshin alańdaýlymyz. Almaty mańynda halyq kóp shoǵyrlanǵan. Qajetti dári-dármek, azyq-túlikpen qamtýda irkilis joq. Qaýipsizdik deńgeıin arttyrý úshin qala shekarasyna qoıylǵan 27 beketten bólek, taǵy da 80 ótkizý, tekserý  beketteri ashylady, - deıdi oblys ákimi Amandyq Batalov.

 

 

Almaty oblysy

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar