Aımaqtar • 19 Naýryz, 2020

Qaraǵandyda aıaldamalar zararsyzdandyryla bastady

16 retkórsetildi

Kenshiler astanasynda avtobýs aıaldamalary dezınfeksııadan ótkizile bastady. Qaraǵandy qalalyq kommýnaldyq sharýashylyq bólimi basshysynyń orynbasary Rústem Qojaqapanov aıaldama pavılondary ǵana emes, olarǵa  irgeles aýmaqtyń da tazalanyp, zararsyzdandyrylatynyn habarlady.

– Búginnen bastap joldardy, saıabaqtardy jáne gúlzarlardy kútip ustaý boıynsha qyzmet kórsetetin barlyq merdigerlik uıymdar aıaldamalardy, oryndyqtardy, tirek qorshaýlaryn, qoqys jáshikterin, baǵdarsham nysandaryn, baǵdarshamdardy shaqyrý tablosyn arnaıy qospamen óńdeýdi bastady. Sondaı-aq, kúnine bir ret balalar men sport alańdarynda dezınfeksııa júrgiziledi, – dep habarlady ol.

Oblys ortalyǵynda kún saıyn 400-den astam aıaldama pavılondary, 2000 oryndyq, jaıaý júrginshiler shaqyrý qurylǵylarynda 92 shaqyrý tablosy óńdeýden ótkiziledi.

Osy mindettermen aınalysatyn tórt merdiger uıymnyń jumysyn aýdandyq ákimdikter men kommýnaldyq sharýashylyq bólimi kúndelikti baqylap otyrady.

Al «Qaraǵandy Sý» JShS aýyz sý sapasyn baqylaý zerthanasy bastyǵynyń mindetin atqarýshy Elena Gnılomedova dezınfeksııa jumystarynyń qandaı eritindimen júrgizilip jatqanyn málim etti. Onyń aıtýynsha, «Qaraǵandy Sý» JShS-niń zerthanasy kún saıyn shoǵyrlanýy 0,1% kalsıı gıpohlorıdi negizindegi mólsheri 400 tekshe metr bolatyn, zararsyzdandyratyn qasıetterge ıe hlorly dezınfektant ázirlep shyǵarady  eken.

Qaraǵandy oblysy

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar