Aımaqtar • 19 Naýryz, 2020

Almaty oblysynyń mektepteri qashyqtan oqytýǵa daıyn

32 retkórsetildi

Almaty oblysynda epıdemıologııalyq jaǵdaı turaqty. Turǵyndar qaýipsizdigin qamtý úshin tıisti sharalar atqarylýda. Ásirese, tótenshe jaǵdaı kezinde balalardy qorǵaý jumysy kúsheıgen.

Qazir oblys aýmaǵyndaǵy barlyq mektep oqýshylary kanıkýlda. Mektep ákimshiligi men synyp jetekshileri tarpynan ata-analarǵa indetten saqtaný joldary túsindirilip, bala qaýipsizdigine baqylaý jasalyp otyr. Sondaı-aq, aımaqtaǵy bilim beretin mekemeler qashyqtan oqytý júıesine kóshýge daıyndyq jasaýda eken. Bul týraly Almaty oblysy Bilim basqarmasy basshysynyń orynbasary Jańyl Súleımenova málimdedi.

- Bıylǵy oqý jylynda oblystaǵy 760 orta mektepte 410 329 bala bilim alýda. On bes myńnan astam oqýshy mektep bitiredi. Bilim berý mekemeleri tótenshe jaǵdaı kezinde qashyqtan oqytý júıesine kóshýge daıyndyqty bastady. Al óńirdegi 1167 mektepke deıingi tárbıe berý mekemesinde 85632 bala tirkelgen. Búgingi derek boıynsha búldirshinderdiń 33 paıyzy ǵana balabaqshaǵa qatynap júr. Oqýshylar arasynda indet juqtyrǵan nemese basqa da juqpaly syrqat belgileri anyqtalǵan joq, - dedi Bilim basqarmasy basshysynyń orynbasary Jańyl Súleımenova.

Aıtpaqshy, oblys aýmaǵyndaǵy 78 kolledjde barlyǵy 30 myń stýdent oqıdy. Olardyń deni úılerine jetip úlgergen. Al turǵyn úıi joq 30 bilimger jataqhanada qalǵan. Qazir olar tárbıeshiler men dárigerlerdiń qamqorlyǵynda.

 

Almaty oblysy

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar