Qoǵam • 19 Naýryz, 2020

Sybaılas jemqorlyqqa qarsy adaldyqjolymen chellendji bastaldy

34 retkórsetildi

Áleýmettik jeli qoldanýshylary Prezıdent Qasym-Jomart Toqaevtyń bastamasymen jarııalanǵan Volonter jyly aıasynda uly oıshyldardyń rýhanı-adamgershilik qundylyqtaryn nasıhattaý maqsatynda #AdaldyqJolymen chellendjine qatysýda.

Bıyl naýryz aıynyń basynda chellendjdi Aktóbe aýylsharýashylyq kolledjiniń stýdenti, volonter Gúljazıra Asýova bastap, jemqorlyqqa qarsy taqyrypqa arnalǵan óziniń óleńin oqydy.

«Memleket basshysy bul jyldy Volonter jyly dep jarııalady. Sonymen qatar bıyl jas urpaqty adaldyq pen parasattylyqqa, eńbek pen bilimge qushtar bolýǵa tárbıeleıtin qazaq jáne túrki oıshyldarynyń murasyna da zor mán berilýde. Men óz óleńim arqyly barlyq qazaqstandyqtardy áleýmettik indet – jemqorlyqqa qarsy kúresýge shaqyramyn» dedi Gúljazıra Asýova.

Ol estafetany «Izgilik elshisi» jobasynyń volonterlary men barlyq qazaqstandyqtarǵa joldady.

Gúljazıranyń bul bastamasyn kóptegen jeli qoldanýshysy qoldady. Instagram jelisine #adaldyqJolymen heshtegi arqyly azamattardy parasattylyqqa, adaldyq pen ádildikke shaqyratyn uly oıshylardyń shyǵarmalary men tól týyndylary oqylǵan júzge jýyq beınejazba júkteldi. Ár beınejazba #adaldyqJolymen heshtegimen belgilenedi.

Búgingi kúnge deıin chellendjge Almaty oblysy Tekeli qalasynyń ákimi Baqtııar О́nerbaev, «Jetisý – adaldyq alańy» jobalyq keńsesiniń jetekshisi Amanjol Jazyqbaev, «Adaldyq alańy» jobalyq keńsesiniń volonterlary, ýnıversıtetter men kolledj stýdentteri, mektep oqýshylary, mádenıet salasynyń qyzmetkerleri jáne t.b. qatysty.

Jalpy, estafetany Almaty, Túrkistan, Shyǵys Qazaqstan, Jambyl oblystary men Nur-Sultan qalasynyń turǵyndary belsendi qoldady. Facebook jáne Instagram jelileri beınejazba júkteletin basty alańǵa aınaldy.

Sondaı-aq estafeta Qazaqstan halqy Assambleıasynyń músheleri men etno-mádenı birlestikterdiń ókilderine, Parlament Májilisiniń depýtaty Gennadıı Shıpovskıhke, Prezıdent Ákimshiliginiń ınspektory Maksım Spotkaıǵa, Jas Otan jastar qanatynyń tóraǵasy Elnur Beısenbaevqa, «Qazaqstan barysy» jáne «Álem barysynyń» eki dúrkin chempıony Aıbek Nuǵymarovqa joldandy.

Sondaı-aq BAQ jáne óner salasynyń ókilderin osy chellendjdi qoldaýǵa shaqyramyz.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar