Qazaqstan • 19 Naýryz, 2020

Mektep oqýshylary 6 sáýirden bastap qashyqtan oqytýǵa aýysady

21023 retkórsetildi

Bul týraly Bilim jáne ǵylym mınıstri Ashat Aımaǵambetov Facebook paraqshasynda jazdy.

«Biz arnaıy jumys tobyn qurdyq. Onyń quramyna qashyqtan bilim berý salasynda jumys isteıtin «Bilimland», «DDaryn.online», «Kúndelik», «Univer», «Platonus», «EduPage», BIL, «BTS education», «U-study» jáne «AGS» syndy uıymdardyń ókilderi jáne pedagogter, ádiskerler, mektep dırektorlary, dırektorlardyń oqý isi jónindegi orynbasarlary jáne JOO prorektorlary endi.

Jumys birneshe baǵyt boıynsha júrgizilýde. Máselen, tapsyrmalardy berý, olardyń oryndalýyn tekserý, baǵalaý jáne keri baılanysty qamtamasyz etetin aqparattyq júıelerdi engizý qarastyrylyp jatyr. Bilim alýshylar beıne-sabaqtarǵa qatysyp, tapsyrmalar alyp, qajet bolǵan jaǵdaıda pedagogterdiń óz synybymen onlaın-talqylaý, baǵalaý boıynsha nemese vıdeostrımıng servısterin paıdalana alýyn qamtamasyz etetin júıelerdi iske qosý da kózdelgen. «Telearnalar arqyly sabaq ótkizýge daıyndalýdamyz. Onda beıne-sabaqtar sabaq kestesine saı kórsetiletin bolady.

Bul tetik, ásirese, ınternet qýaty álsiz jáne qajetti qural-jabdyqtarǵa qatysty qıyndyqtary bar aýyldyq bilim berý uıymdary úshin ózekti. Biz úshin barlyq sabaq orta bilim berýdiń memlekettik jalpyǵa mindetti standartyna saı oqý baǵdarlamasy boıynsha, sabaq kestesine sáıkes, sıfrlyq bilim berý resýrstary boıynsha ádistemelik qoldaýmen jáne mýltımedıalyq materıaldarmen qamtamasyz etilip, ustazdar úshin aldyn ala ázirlengen jospar boıynsha júrgizilgeni mańyzdy. Bastysy, bilim alý tetigi sapaǵa áser etpeýi qajet.

Pedagogter men oqýshylardyń sıfrlyq saýattylyǵyn damytý  úshin arnaıy kýrstar ótkizilip, nusqaýlyqtar ázirlenetin bolady. Qazirdiń ózinde muǵalimder úshin sıfrlyq resýrstardy paıdalaný boıynsha biraz vıdeodárister ázirlendi. Inklıýzıvtik bilim berý, jańa tehnologııalardyń qoljetimdiligine qatysty prınsıpter eskeriletin bolady. Internet provaıderleri men baılanys operatorlary boıynsha SDIAО́M-men birlesip jumys júrgizýdemiz. Osy kezeńde bilim berý resýrstaryn paıdalaný barysynda trafık eseptelmegeni durys. Osy másele boıynsha Premer-Mınıstr tarapynan tıisti tapsyrma berildi jáne qoldaý kórsetildi. Kóptegen iri platforma óz qyzmetterin tegin usynyp jatyr. Bul jumysymyzdy birshama jeńildetti. Qazirgi ýaqytta «Zoom» strımıngtik servısi men «Coursera» dep atalatyn iri platformalardyń biri tegin qyzmet kórsetýde. Sondaı-aq «Google Classroom», «Hangout», «Kúndelik», «Moodle» júıelerin tegin qoldanýǵa bolady. Sonymen qatar «Bilimland» platformasy óziniń 40 myńnan astam kontentin tegin usyndy«, - dedi Ashat Aımaǵambetov.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar