Aımaqtar • 20 Naýryz, 2020

Úrjardyń kópbalaly analary kóp rettik betperdeler tigip jatyr

216 retkórsetildi

Az qamtylǵan analar men zeınetkerlerge tegin beriletin bolady

Elimizde tótenshe jaǵdaı jarııalanýyna baılanysty Memleket basshysy Qasym-Jomart Toqaevtyń Qazaqstan halqyna jáne oblys ákimi Danıal Ahmetovtyń aımaq turǵyndaryna arnaǵan úndeýlerin Úrjar jurtshylyǵy túsinistikpen qabyldady.

Úrjar aýdany, Maqanshy aýylyndaǵy kópbalaly ana Rysaldy Muhametqalıeva bastaǵan analar qaýymy kópshilikke úlgi kórsetip, koronavırýs ınfeksııasynyń aldyn-alý maqsatyndaǵy saqtyq sharalary úshin birneshe rettik betperdeler (maskalar) tigip beretindikteri jóninde usynystaryn bildirdi.

m

«Analardyń usynysyna aýdan ákimdigi birden qoldaý bildirdi.  Tigilgen betperdeler aýdandaǵy áleýmettik jaǵynan az qamtylǵan analar men zeınetkerlerge tegin beriletin bolady» deıdi Úrjar aýdandyq Ishki saıasat bóliminiń basshysy Eldos Beısenov.

«Elimizge kelgen ýaqytsha synaqtardy birge eńseremiz, mundaı qıyndyqtar bizge úlken múmkindikter beredi. Eń bastysy, osyndaı qıynshylyqty jeńý jolynda birge bolaıyq» deıdi  kópbalaly ana.

Búginde Rysaldy Muhamedqalıeva analardyń muń-muqtajyn sheshýge kómektesip, belsendi jumys isteýde. Osylaısha Maqanshy óńirinde Rysaldy bastaǵan kóp balaly analar betperde tigý jumystaryn bastap ketti. Bul ıgi bastamaǵa Úrjar jeriniń analary da mol túsinistikpen qarap, óz úlesterin qosýda.

Jalpy, aýdanda indettiń aldyn-alý boıynsha shuǵyl áreket etý toptary qurylyp, barlyq qaýipsizdik sharalary qolǵa alynyp, júzege asyrylýda.

Shyǵys Qazaqstan oblysy,

Úrjar aýdany

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar