Aımaqtar • 20 Naýryz, 2020

Túrkistan: Bazardaǵy azyq-túlik baǵasynda azdaǵan ózgeris bar

87 retkórsetildi

«Nur Otan» partııasy Túrkistan oblystyq fılıalynyń uıymdastyrýymen ortalyq bazardaǵy azyq-túlik baǵasyna monıtorıng júrgizildi.

Búginde Túrkistandaǵy «Qýanysh» bazarynda jylqy eti 1900 teńge bolsa, sıyr men qoı eti de 1800-1900 teńge aralyǵynda saýdalanýda. Nan 60-70 teńge aralyǵynda.  Iаǵnı, baǵa óspegen. Al kartop baǵasy 140-150 teńgege jetken. Kókónis pen taýyq eti azdap qymbattaǵan. Túrkistan oblysynda 72 bazar bar. Onyń 14-i mal bazary bolsa, 4 avtokólik jáne 54 ámbebap bazar halyqqa qyzmet etedi. Al Túrkistan qalasynda 8 bazar bar. Onyń úsheýi – ámbebap bazarlar. Monıtorıng barysynda azyq-túlik baǵasy tekserilip, bazar basshylyǵy men kásipkerlerge baǵany negizsiz kótermeý kerektigi aıtyldy. 

Baǵany baqylaý baǵytynda monıtorıng jumystary turaqty túrde júrgizilmek. «Kásipkerler múmkindiginshe baǵany qoldan ósirmeı, eldiń jaǵdaıymen sanasqany abzal. Búgin monıtorıng barysynda et, nan, kúrishtiń baǵasy qymbattamaǵanyn kórdik. Tıisinshe kartop, sheker jáne taýyq eti syndy birneshe taýar túri sál qymbattaǵan. Monıtorıng qorytyndysy boıynsha ákimdik pen tıisti basqarmaǵa usynystar beremiz», dedi partııa fılıaly tóraǵasynyń birinshi orynbasary Beısenbaı Tájibaev. 
«Qýanysh» bazarynyń basshysy Inara Namazbaeva taýarǵa 10-15 paıyzdan artyq ústemaqy qoımaý jaǵy qatań baqylaýda ekenin málimdedi. Sonymen birge bazardy dezınfeksııalaý jumystary turaqty júrip jatqanyn jetkizdi. Al bazardaǵy satýshylar kóterme saýda jasaıtyn azamattar men óndirýshiler tarapynan taýar baǵasy shamaly qymbattap kelip jatqanyn aıtady.   

Búgingi kúnge oblys aýmaǵyndaǵy qoımalar men iri saýda nysandarynda 19 ataýly taýardan 30 878 tonna ónim saqtaýly tur. Jalpy azyq-túlik qory jetkilikti. Azyq-túlik baǵasynyń óspeýi «Nur Otan» partııasy men oblys ákimdiginiń tikeleı baqylaýynda bolady.

 

Túrkistan oblysy

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar