Aımaqtar • 20 Naýryz, 2020

Aldaǵy eki kúnde Almaty men Nur-Sultanda barlyq kólik túrleriniń qatynasy toqtatylady

3188 retkórsetildi

Úkimet úıinde ótken onlaın-brıfıng kezinde Premer-Mınıstriniń orynbasary Eraly Toǵjanov Nur-Sultan men Almaty qalalarynyń aýmaǵynda engizilgen karantın halyqaralyq tájirıbege saı ekenin, vırýspen «qozǵalys az bolǵan saıyn taralýy da az» urany arqyly kúresetinin aıtty.

 ̶ Naýryz aıynyń 22-si kúni saǵat 00.00-den bastap Nur-Sultan jáne Almaty qalalarymen barlyq kólik túrleriniń qatynasy — áýe, temir jol, avtobýs arqyly adam tasymaly toqtatylady. 22-ine deıin azamattarǵa Nur-Sultan men Almaty qalalaryna erkin kelýge nemese ketýge bolady. Eki qaladan shyǵa beriste medısına qyzmetkerleriniń kezekshiligimen mobıldi beketter qoıylady, shyqqan adamdardyń barlyǵyna mindetti túrde saýalnama júrgiziledi, ̶ dedi E.Toǵjanov. Onyń aıtýynsha bul sharalar adamdardyń densaýlyǵyna monıtorıng jasaý jáne vırýstyń óńirlerge taralýyn boldyrmaý úshin qabyldanýda.

 ̶  Ekinshi, óndiristik taýarlar satatyn jáne oıyn-saýyq ortalyqtary, mádenı, tamaqtaný jáne qyzmet kórsetý ortalyqtary ýaqytsha jabyldy. Meıramhanalar men dámhanalar úıge jetkizý arqyly jumystaryn jalǵastyra alady. Azyq-túlik dúkenderi men dárihanalar burynǵy tártibinde jumys isteıdi,  ̶  dedi Premer-Mınıstriniń orynbasary.

Sonymen qatar, memleket basshysynyń tapsyrmasy boıynsha memlekettik uıymdardyń qyzmetshileriniń 70%-y qashyqtan qyzmet etý tártibine ótti. 

 ̶ Qashyqtan jumys isteıtin azamattardan qajettilik bolmasa, úıden shyqpaýlaryn suraımyz. Atap aıtaıyn, bul shekteý sharalary tek Nur-Sultan men Almaty qalalarynda qoıylǵan,  ̶  dedi E.Toǵjanov.

Buǵan qosa,  barlyq óńirlerde aıaldamalardy, qoǵamdyq kólikti, kósheler men basqa da áleýmettik mańyzy bar nysandardy sanıtarııalyq óńdeý, zararsyzdandyrý boıynsha sharalar kúsheıtiletin bolady. 

16 naýryzdan 6 sáýir aralyǵynda barlyq mektep oqýshylaryn kanıkýlǵa jiberý týraly sheshim qabyldandy, barlyq kolledjder men JOO-lar qashyqtan oqytýǵa kóshirildi.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar