Aımaqtar • 20 Naýryz, 2020

Jambylda Qyrǵyz elimen ótkizý pýnktterinde sanıtarlyq-karantındik beketter quryldy

31 retkórsetildi

Koronavırýs indetiniń aldyn-alý maqsatynda Jambyl oblysynda medısına uıymdarynyń daıyndyǵy qamtamasyz etilgen. Búgin ótken baspasóz brıfınginde Jambyl oblystyq densaýlyq saqtaý basqarmasynyń basshysy Marat Jumanqulov koronavırýstyq ınfeksııasymen aýyratyn naýqastardy gospıtalızasııalaý jáne emdeý úshin 80 tósek-oryny bar ınfeksııalyq stasıonar, 320 tósektik provızorlyq stasıonar, onyń ishinde 16 reanımasııalyq tósek uıymdastyrylǵanyn málimdedi.

Naýqastarmen baılanysta bolǵan jáne 1A sanattaǵy elderden kelgen azamattardy karantınge oqshaýlaý úshin 5 nysannyń bazasynda 640 tósektik karantındik stasıonarlar ashylǵan.

«Keshendi emdeý aldyn-alý is-sharalaryn uıymdastyrý jáne ótkizý úshin joǵaryda atalǵan mekemelerge 754 oqytylǵan medısına qyzmetkeri tartylady. Medısınalyq qyzmetkerlerdi qorǵaý jáne bıologııalyq qaýipsizdik sharalaryn saqtaý úshin medısınalyq uıymdarda jeke qorǵanys quraldarynyń, dezınfeksııalyq quraldardyń, antıseptıkalyq jáne jýǵysh zattardyń, sondaı-aq, dári-dármekterdiń qory jasaldy. Shet elderden kelgenderdiń medısınalyq baqylaýynyń monıtorıngi sanattarǵa sáıkes júzege asyrylady», dedi Marat Jumanqulov. Aǵymdaǵy jylǵy 20 naýryz kúngi málimet boıynsha, kelgen tulǵalar úshin karantındik stasıonarda 8 adam qalýda. Sonymen qatar, koronavırýstyq ınfeksııasymen aýyrǵan naýqaspen baılanysta bolǵandarǵa arnalǵan karantındik stasıonarda 4 adam bar jáne úı karantıninde 1B kategorııaly elderden kelgen 22 adam otyr eken. О́ńirdiń bas dárigeriniń aıtýynsha, 2 kategorııaly elderden kelgen 11 adam qońyraý shalý arqyly medısınalyq baqylaýda tur. Búginde adamdardyń jaǵdaılary qanaǵattanarlyq.

Jambyl oblysynyń taýarlar men kórsetiletin qyzmetterdiń sapasy men qaýipsizdigin baqylaý departamentiniń  basshysy Berik Jarqynbekovtyń aıtýynsha, oblys aýmaǵynda koronavırýsty ınfeksııany juqtyrý jaǵdaılary tirkelmegen. Búginde sanıtarlyq-epıdemıologııalyq jaǵdaı turaqty. «Qazirgi ýaqytta basqa elderdiń kelgen adamdaryn medısınalyq baqylaýǵa monıtorıng júrgizilýde. Aǵymdaǵy jylǵy 19 naýryz kúngi jaǵdaı boıynsha oblys aýmaǵynda 1A sanattaǵy elderden kelgen 6 adam stasıonarda baqylaýda, 1 B sanatyndaǵy 15 adam úı karantıninde tur. 2 sanattaǵy elderden 11 azamat qońyraý shalý arqyly medısınalyq baqylaýǵa alyndy. 2020 jyldyń 19 naýryzynan bastap Avtomobıl magıstraldarynda 4 baǵytta jáne Qyrǵyz Respýblıkasymen Memlekettik shekara arqyly 2 ótkizý pýnktterinde sanıtarlyq-karantındik beketter quryldy. Adamdar jappaı bolatyn nysandarda sanıtarlyq-dezınfeksııalyq rejım kúsheıtildi. Jappaı is-sharalar toqtatyldy, kınoteatrlar jabyldy», dedi Berik Jarqynbekov.

Jambyl oblysy

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar