Aımaqtar • 20 Naýryz, 2020

Shymkent: Sybaılas jemqorlyqqa qarsy qyzmeti memlekettik mekemelerde syılyqtarǵa tyıym salynǵany týraly eskertti

9 retkórsetildi

Merekeler qarsańynda Qazaqstan Respýblıkasynyń Sybaılas jemqorlyqqa qarsy is-qımyl agenttiginiń Shymkent qalasy boıynsha Departamenti azamattardy, memlekettik qyzmetshilerdi, sondaı-aq kvazımemlekettik sektor qyzmetkerlerin syılyq berýden jáne alýdan saqtandyrady.

Memlekettik qyzmet týraly Zańǵa sáıkes bul áreketter memlekettik qyzmetke kir keltiretin áreket bolyp baǵalanady.

Sybaılas jemqorlyqqa qarsy is-qımyl týraly zańnamamen laýazymdy tulǵaǵa quny 2 AEK-ten (5 302 teńge) aspaıtyn syılyq bergeni úshin 200 AEK (530 myń 200 teńge) kóleminde, al memlekettik qyzmetkerlerge syılyq alǵany úshin 600 AEK (1 mln. 590 myń 600 teńge) kóleminde ákimshilik aıyppul qarastyrylǵan.

Quny 2 AEK-ten joǵary syılyqtar qylmystyq jaýapkershilikke ákep soǵýy múmkin.

Memlekettik qyzmetshi bilmeı kelip túsken, sondaı-aq ol tıisti fýnksııalaryn atqarýyna baılanysty alǵan syılyqtar jeti kún merzimde arnaýly memlekettik qorǵa óteýsiz tapsyrýǵa jatady, al memlekettik qyzmetshige naq sondaı mán-jaılarda kórsetilgen qyzmetter úshin ol respýblıkalyq bıýdjetke aqsha aýdarý jolymen aqy tóleýge tıis.

Sonymen qatar, memlekettik qyzmetshiniń otbasy músheleri osy adam qyzmet babynda solarmen baılanysty bolatyn jeke jáne zańdy tulǵalar esebinen syılyqtardy jáne kórsetiletin qyzmetterdi, týrıstik, emdeý-saýyqtyrý jáne ózge de saparlarǵa shaqyrýlardy qabyldaýǵa quqyly emes.

Syılyqty nemese qarapaıym táttiler sebetin qabyldaý sybaılas jemqorlyqqa qarsy zańnamany jáne memlekettik qyzmetshiniń ádebin óreskel buzý retinde baǵalanady.

Shymkent 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar