Rýhanııat • 20 Naýryz, 2020

Qaraǵandylyq teatr tikeleı efırde ertegi qoıylymdaryn kórsetedi

31 retkórsetildi

Tótenshe jaǵdaıdyń tártibi boıynsha úıde otyrǵan balalar zerikpesin degen bolý kerek, Qaraǵandy oblystyq mýzykalyq komedııa teatry Instagram jelisindegi resmı paraqshasynda tikeleı efırde balalarǵa arnalǵan spektaklder  kórsetetin habarlady.

Mysaly, «Trı veselyh gnoma» qýyrshaq ertegisi 25 naýryz kúni saǵat 12.00-de kórsetiledi. Bul ormandaǵy úıde turatyn saqaldy ergejeıliler týraly tańǵajaıyp oqıǵa. Ertegi jelisi boıynsha olardyń janyna zulym troll qonystanady. Ol sıqyrly kitapty urlap, ormannyń barlyq turǵyndaryn sıqyrlap tastaıdy. Uzaqtyǵy 35 mınýt bolatyn spektaklde ergejeıliler zulym kórshisin jeńip, ormanda tártiptiń ornaýyna qol jetkizedi.

Al 26 naýryz kúni saǵat 12.00-de «Kvakýsha-saıahatshy» mýzykalyq ertegisi efırge shyǵady. Qoıylymnyń basty keıipkerler Kvakýsha baqa Kýzıa atty shegirtke men Mıla esimdi qyzyl qońyz sııaqty dostarymen birge qyzyqty saıahatqa barýdy armandaıdy. Olar joldarynda kezdesken nebir qıyndyqtarǵa tótep berip, zulymdyq ataýlyny jeńedi. Sóıtip, naǵyz dostardyń bir-birin qıynshylyqta tastap ketpeı, árdaıym kómekke keletinin dáleldep shyǵady.

Eske salsaq, ertegi qoıylymdary Qaraǵandy oblystyq mýzykalyq komedııa teatrynyń Instagram jelisindegi katmk.kz. resmı paraqshasynda kórsetiledi.

 

Qaraǵandy oblysy

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar