Úkimet • 20 Naýryz, 2020

Memlekettik qyzmetkerler «úreı terapııasynan» ótti

70 retkórsetildi

Jemqorlyqty boldyrmaý, sonymen qosa memlekettik qyzmetshiler arasynda adamgershilik qaǵıdalaryn qalyptastyrý maqsatynda Sybaılas jemqorlyqqa qarsy agenttiktiń aýmaqtyq departamentteri memlekettik qyzmettiń túrli salalarynyń basshylaryn bas bostandyǵynan aıyrý organdaryna apardy.

Shara aıasynda memlekettik organdardyń basshylary, aýdan ákimderi men olardyń orynbasarlary, sondaı-aq túrli deńgeıdegi ákimdikterdiń basqarma jáne apparat bólimderiniń basshylary túzetý mekemelerine bardy.

Búgingi tańda 3 749 memlekettik qyzmetshi jemqorlyqtyń aldyn alýǵa baǵyttalǵan «úreı terapııasynan» ótti.

Memlekettik qyzmetshilerdi aldyn ala qamaý, bas bostandyǵynan aıyrý oryndaryna aparýǵa arnalǵan «úreı terapııasyn» júıeli túrde qoldaný erekshe áser qaldyratynyn, olardyń jemqorlyq týraly oıdyń ózinen bas tartyp, jemqorlyq áreketin jasaǵan jaǵdaıda qandaı saldarǵa tap bolatyndyǵy týraly túsinýine jáne sezinýine múmkindik beretinin atap ótý qajet.

Uıymdastyrýshylar shara barysynda túzetý mekemeleriniń qyzmetkerleri qamaýdaǵy jandardyń kúndelikti ómiri men jaǵdaıyn boıamasyz kórsetti. Olardy tergeý kabınetteri, aýyr jáne asa aýyr qylmystar jasaǵan qylmyskerlerge arnalǵan kameralar, serýendeıtin oryndar, qamaýdaǵylar tamaqtanyp, uıyqtaıtyn jáne sportpen shuǵyldanatyn oryndarymen tanystyrdy.

«Túzetý mekemelerine barǵandardyń barlyǵy ózderi kórgen kórinisten qatty úreılenip, ǵımarattan shyqqan soń shyn máninde onyń fılmderden kórgen jaǵdaıdan basqasha ekenin jetkizdi.

Túzetý mekemeleriniń ishinde eskertý serýenderi qylmystyq jaýapkershilikke tartylǵan sheneýnik áristesterdi erekshe tańǵaldyrǵanyn atap ótken jón. Tutqyndardyń ómirimen ishinen tanysqan memlekettik qyzmetshiler zańǵa degen kózqarastaryn túbegeıli ózgertti.

Bizdiń maqsat – memlekettik qyzmetshilerge sybaılas jemqorlyq qylmystarynyń saldaryn kórsetý, qamaýda otyrǵandardyń ómirimen tanystyrý arqyly qazirgi ómirin, otbasy men jumysyn baǵalaýǵa shaqyrý, ári qaraı sybaılas jemqorlyq isterine qol salmaýǵa baýlý», deıdi agenttik ókilderi.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar