Qazaqstan • 21 Naýryz, 2020

Qazaqstanda medısınalyq maskalar óndirile bastady - Baqyt Sultanov

7 retkórsetildi

Qazaqstanda medısınalyq maskalar óndirile bastady. Bul týraly Saýda jáne ıntegrasııa mınıstri Baqyt Sultanov óziniń Facebook paraqshasynda habarlady.

«Elimizde qorǵanysh maskalary men antıseptıkalyq quraldar óndirisi ashylýda. TJ rejıminde jedel áreket etý qajet bolǵan kezde naryqqa kirý de jyldam júzege asyrylady. О́te jedel. Bizdiń Tehnıkalyq retteý jáne metrologııa komıteti Ulttyq akkredıtteý ortalyǵymen jáne Qazaqstan standarttaý ınstıtýtymen birlesip qysqa merzim ishinde «Qorǵanysh maskalary. Tehnıkalyq talaptar» ulttyq standartyn ázirledi. Qajetti synaqtar ótkizilip, 1 mln danadan astam qorǵanysh maskalary sertıfıkattaldy», - dep jazdy mınıstr Facebook-paraqshasynda.

Sondaı-aq Qazaqstanda dezınseptıkter óndirisin jolǵa qoıý josparlanyp otyr.

«Dezınfeksııa jáne dezınseksııa quraldary (turmysta jáne emdeý-aldyn alý mekemelerinde qoldaný úshin) memlekettik tirkeýdi Densaýlyq saqtaý mınıstrligi júzege asyrady. Saýda mınıstrligi Densaýlyq saqtaý mınıstrligimen kelisimge keldi. Ol úshin Densaýlyq saqtaý mınıstrligi janyndaǵy Sanıtarlyq-epıdemıologııalyq saraptama jáne monıtorıng ǵylymı-praktıkalyq ortalyǵy jedel tártippen qajetti zerthanalyq zertteýler júrgizedi («beıbit» jaǵdaıda tıisti 3 aı emes, bir aı ishinde). Sodan keıin Densaýlyq saqtaý mınıstrligi bir kún ishinde memlekettik tirkeý týraly qujat berýge daıyn. Iá, bir aı – bul da qysqa merzim ekenin túsinemiz. Biraq zertteýsiz qaýipti bolýy múmkin dezınfeksııalaý quraldaryn qoldanysqa jiberýge de quqymyz joq! О́z qujattary men úlgilerin saraptamaǵa SQO-dan turmystyq hımııa ónimderin óndirý tájirıbesi bar «Radýga» JShS jiberdi. Olar elimiz úshin kúrdeli jaǵdaıda antıseptıkterdi daıyndaýǵa kóshti», - dedi B.Sultanov.

Mınıstrdiń sózinshe, Qazaqstannyń avtohımııa ónimderin óndirýshiler men tutynýshylar qaýymdastyǵy óz óndirisin elde suranysqa ıe antıseptıkter men dezınfeksııalaýshy quraldardy shyǵarýǵa qaıta beıindeýge daıyn. Olar muqtaj adamdarǵa tegin jetkizýge daıyn.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar