Aımaqtar • 21 Naýryz, 2020

«Salıqaly urpaq» qory koronavırýspen kúreske 150 mıllıon teńge bóldi

39 retkórsetildi

Elbasy Nursultan Nazarbaevtyń úndeýine jetisýlyq isker azamattar ún qosyp jatyr. Alǵashqy lekte Qarasaı aýdanyndaǵy «Salıqaly urpaq» qory bastama kóterip, vırýspen kúres sharalaryna 150 mıllıon teńge bóletin boldy. Bul qarajat Almaty oblysyn aýmaǵyndaǵy koronavırýspen kúres qoryna aýdarylmaq.

- Elbasynyń qıyn-qystaý kezdegi halqyna úndeýi eshbirimizdi beı-jáı qaldyrmady. Biz óz kezegimizde joldaýdyń árbir tarmaǵyn barynsha júzege asyraýǵa atsalysamyz. Sondyqtan sanasynyń sańylaýy bar árbir sanaly adam mundaı qıyn shaqta óziniń qoǵam aldyndaǵy azamattyq pozısııasyn aıqyn bildirýi kerek, - deıdi «Salıqaly urpaq» qorynyń jetekshisi Qasym Qasabekov. 

Aıtpaqshy, «Salıqaly urpaq» qoǵamdyq qory 2016 jyldyń səýirinde Bolat Nazarbaevtyń bastamasymen qurylǵan. Qor jetim balalar men áleýmettik jaǵdaıy qıyn otbasylardyń balalaryn «Berekeli úı» pansıonatyna ornalastyrýmen aınalysady.

Sondaı-aq, qaıyrmdylyq qory qurylǵaly beri muqtaj jandarǵa bilim berý, medısınalyq járdem kórsetý qyzmetin úılestirip, áleýmettik jaǵdaıy tómen otbasylar men kópbalaly áýletterdi azyq-túlikpen qamtamasyz etý isine úles qosyp keledi.

 

Almaty oblysy

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar