Medısına • 21 Naýryz, 2020

Vırýspen kúres jalǵasýda

37 retkórsetildi

Búginde Nur-Sultan qalasyna shetelderden kelgen otandastarymyzdyń arasynda vırýs juqtyrý yqtımaldyǵy joǵary degen jáne tapsyrǵan synamalarynda vırýs barlyǵy anyqtalǵan jandar elordadaǵy Kópsalaly medısınalyq ortalyq dárigerleriniń úzdiksiz baqylaýynda stasıonarda jatyr.

Klınıka dırektory Muhtar Tóleýtaevtyń aıtýynsha, qazirgi ýaqytta vırýs juqtyrǵan 28 adamnyń jaǵdaıy qalypty kúıde. «Kúndelikti temperatýra, qan qysymdary tekserilip, dárigerler men meıirbıkelerdiń baqylaýyndaǵy jandarda  klınıkalyq aýrýdyń belgileri joq,  tek tapsyrǵan synamalarynan vırýs tabylǵany bolmasa», degen Muhtar Esenjanulynan ortalyqtyń jumysynyń jaı-japsaryn surap bildik.

Halyq «Jaman aıtpaı jaqsy joq», «Qamdanǵan qapy qalmaıdy» dep beker oı tolǵamasa kerek. Sondyqtan jan-jaqty qamdanǵan ortalyqta búginde 60-tan astam dárigerler men basqa medısına qyzmetkerler kúni-túni úılerine ketpesten ortalyqta tótenshe jaǵdaıdyń qajettiligine oraı jumys atqarýda. Vırýstyń adam ókpesine tıgizer zııanyn, sondaı ýaqytta ózdiginen tynys ala almaı qalatynyn esepke ala qaladaǵy ózge klınıkalardan oǵan qajetti apparattar jetkizilipti.

- Qudaı betin aýlaq qylyp, kerek etkizbesin biraq áldeqandaı kún týsa biraz apparattar daıyn. Munymen qosa negizgi vırýspen kúrestegi mamandardyń basymdyǵy bizdiń ortalyqtan, alaıda,  basqa emdeý mekemelerinen kómekke dárigerler keldi. Al emdeý sharalary Densaýlyq saqtaý mınıstrliginiń halyqaralyq standarttar negizinde bekitken hattamalary boıynsha júzege asyrylady, sol hattamalardy qoldanbaı-aq aman ótsek deımiz, - deıdi dáriger qaýymy.

Kúni boıyna qorǵanysh kıimderimen tumshalanyp eńbek etý ońaı emes, biraq bul medısına qyzmetkerleriniń ózderi úshin de, pasıentter men karantınde jatqan 245 adam úshin de mańyzdy, baqylaýdaǵy adamdardy kúnine birneshe ret tekserý tolyqtaı qorǵanysh kıimin kııýmen ǵana atqarylady. Bulaı jasamasa bolmaıdy, qaýipsizdik úshin qajetti qadam,  al mundaı kıimder jetkilikti. Kópsalaly ortalyq tek vırýs dep qana otyrǵan joq, ásheıindegi qalypty, josparly jumystar da júrip jatyr, al indet ilmegine ilikkenderdi qamtýǵa ortalyqta 387 oryn bólinipti.

- Bul vırýs tutas qoǵam úshin syn bolyp otyr. Meni bul indet aınalyp ótedi dep eshkim de kepildik bere almaıdy, sondyqtan ár adam óz jeke basynyń tazalyǵyn saqtaýmen qatar, kópshilik jınalatyn jerden aýlaq júrgeni, qoǵamdyq oryndarǵa barmaýlary birinshiden-ózin keselden saqtaǵany, ekinshiden, mańaıyn, jaqyn-jýyqtaryn qorǵaǵany bolyp shyqpaq, al bizder dárigerler qolymyzdan kelgendi atqarýǵa tas-túıin daıynbyz. Búginde qandarynyń quramynda vırýsy bar adamdarda klıkalyq belgiler bolmaǵanyna qaramastan, jaǵdaıǵa jiti qaraý mindetimiz, - deıdi Muhtar Tóleýtaev.

Sońǵy jańalyqtar

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Atyraý: 50 adamǵa ystyq tamaq jetkizdi

Aımaqtar • Búgin, 11:32

Uqsas jańalyqtar