Aımaqtar • 21 Naýryz, 2020

Taldyqorǵan qalasynyń kireberis joldaryna sanıtarlyq beketter qoıylady

96 retkórsetildi

Almaty oblysynda indet juqtyrýdyń alǵashqy deregi tirkelgenin, naýqastyń Qarasaı aýdanyndaǵy juqpaly aýrýlar aýrýhanasynda oqshaýlanǵanyn buǵan deıin jazǵan bolatynbyz. Oqıǵaǵa oraı oblystyń bas dárigeri Baýyrjan Ysqaq pen oblys ákiminiń baspasóz hatshysy Ǵalymurat Júkel arnaıy baspasóz máslıhatyn ótkizdi.

- Qarasaı aýdanynyń turǵynan vırýs belgisi tabyldy. Ol azamat Stambýl qalasynan kelgeni anyqtaldy. Oblystaǵy Qaskeleń qalasyna kelgennen keıin ózin jaısyz sezingendikten dáriger shaqyrǵan. Mamandar naýqasty birden oqshaýlap, baqylaýǵa alǵan. Naýqas 11 adammen qarym-qatynasta bolǵan eken, qazir olar da anyqtalyp, muqııat tekserilýde, - dedi bas dáriger Baýyrjan Ysqaq.

Aıtpaqshy, búgin túske deıin Taldyqorǵan qalasynda koronavırýs belgisi tirkeldi degen aqparat taraǵan bolatyn. Oblys ákiminiń baspasóz hatshysy bul aqparatty joqqa shyǵaryp, shyndyqqa janaspaıtynyn aıtty.

- Oblys aýmaǵynda indet belgisi tabylǵandyqtan, baqylaý sharasy kúsheıtiledi. Qazir Almaty qalasynan oblysqa shyǵatyn joldarǵa qosymsha sanıtarlyq baqylaý beketteri qoıylýda. Qaladan shyqqan barlyq kólik pen jolaýshylar tekserilip, zalalsyzdandyrýdan ótedi. Dál osyndaı baqylaý Taldyqorǵan qalasyna kirip, shyǵatyn joldarda da qolǵa alynýda. Oblys ortalyǵyna kireberiske de 4 jerden sanıtarlyq beket qoıylady. Turǵyndardyń alańdaýyna esh negiz joq, munyń barlyǵy aldyn alý sharasy. Al Taldyqorǵan qalasy boıynsha indet juqtyrý deregi tirkelgen joq, - dedi Ǵalymurat Júkel.

Sondaı-aq, kesheden bastap Almaty oblysynyń bas memlekettik sanıtarlyq dárigeri Qaırat Baımuhambetov qol qoıǵan qaýlyǵa sáıkes Almaty qalasynda jumys isteıtin aımaq turǵyndary men qala aýmaǵynan shyqqan barlyq azamattarǵa 14 kúndik  úı karantıninde bolý mindetteldi.

- Kesheden bastap Almaty qalasynan oblys aýmaǵyna kirgen azamattardy úı karantınine ustaý bastaldy. Oblystyq densaýlyq saqtaý basqarmasy men ákimdik qyzmetkerleri telefon baılanysy arqyly habarlasý jolymen olarǵa baqylaý jasaıdy. Sonymen qatar osy qaýlyda júk tasymaldaýdyń talaptary týraly aıtylǵan. Ol boıynsha taýarlar men basqa da zattar germetıkalyq qaptamada tasymaldanady jáne óńdeý men fýmıgasııadan ótkiziledi. Germetıkalyq qaptamasy joq júkterdi tasymaldaýǵa tyıym salynǵan, - dedi Almaty oblysy ákiminiń baspasóz hatshysy Ǵalymurat Júkel.

 

Almaty oblysy

Sońǵy jańalyqtar

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Jel sypyrdy aýlańdy erinshekteý

Ádebıet • Búgin, 17:38

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Gúl naryǵy da naıqalyp jatyr...

Qoǵam • Búgin, 15:25

Uqsas jańalyqtar