Medısına • 21 Naýryz, 2020

Qaraǵandy oblysy koronavırýs belgilerin onlaın tekserýdi usyndy

78 retkórsetildi

Qaraǵandy oblystyq ákimdiginiń qoldaýymen jergilikti densaýlyq saqtaý basqarmasy jáne DAMÝ Aqparattyq tehnologııalar ortalyǵy kompanııasy «Vırtýaldy patronaj» jobasyn iske qosty.

Atalǵan jobanyń basty mindetteriniń biri – koronavırýs ınfeksııasy (COVID-19)  boıynsha qolaısyz jaǵdaıy bar elderden kelgen pasıentterdi jedel baqylaý jáne Qazaqstan aýmaǵy boıynsha vırýstyń taralýyna monıtorıng júrgizý.

Turǵyndar Damumed kómegimen úıden shyqpaı-aq dárigerdiń keńesin ala alady, ıaǵnı mobıldi qosymsha COVID-19-ǵa tán belgilerdi qadaǵalaýǵa múmkindik beredi.

Damumed baǵdarlamasyn Play Market nemese Apple Store arqyly tegin kóshirip alýǵa bolady. Mobıldi qosymshanyń kómegimen bizdiń árqaısymyz COVID-19-ǵa tán belgilerge monıtorıng júrgize alamyz. Atalǵan qosymsha ornatylǵan adamda úreı týyndasa, kún saıyn nemese kúnine birneshe ret densaýlyq jaǵdaıyn sıpattap shaǵyn chek-paraqty toltyra alady. Muny balalarǵa, qart ata-analar úshin de jasaýǵa bolady.

Toltyrylǵan chek-paraqty ýchaskelik dáriger men Qaraǵandy oblysynyń koronavırýs jónindegi shtabynyń mamandary kóredi. Dáriger pasıenttiń sımptomdaryn zertteıdi jáne oǵan qatysty tıisti sheshim qabyldaıdy.

Eger adam úı karantıninde bolsa, ol kún saıyn óziniń densaýlyq jaǵdaıy týraly málimetterdi jiberýi tıis. Ýchaskelik dáriger dabyl qaǵazynyń kómegine súıenip, karantındegi pasıentti qadaǵalap otyrady.

«Vırtýaldy patronaj» bizge úıden shyqpaı-aq dárigerlerdiń kómegine júginýge múmkindik beredi. Eger sizde respıratorlyq aýrý belgileri paıda bolsa, onda bar bolǵany dárigerińizge ózińizdiń málimetińizdi jiberesiz.

Qaraǵandy oblysy qajet bolyp jatsa, bul tájirıbeni Qazaqstan boıynsha taratýǵa daıyn.

Qaraǵandy oblysy

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar