Koronavırýs • 22 Naýryz, 2020

Koronavırýs: Biz qaýipti beldeýde turmyz

1411 retkórsetildi

Koronavırýs indeti beleń alyp kele jatqan qazirgi jaǵdaıda bizdiń elimiz geosaıası ornalasýy jaǵynan óte qaýipti beldeýde turǵanyn umytpaýymyz kerek.

Atap aıtsaq, Qazaqstannyń memlekettik shekarasy Qytaımen ­– 1460, Reseımen – 6477, Ortalyq Azııada О́zbekstanmen – 2300,  Qyrǵyzstanmen – 980, Túrkmenistanmen 380 shaqyrymdy quraıdy. Qazirgi ýaqytta osy memleketterdiń barlyǵynda (Túrkimenstannan basqa) koronavırýs oshaǵy anyqtalyp, ony juqtyrǵandardyń sany kúnnen-kúnge artyp keledi. Bylaısha aıtqanda, bizder koronavırýstyń blokadasynda qaldyq dese de bolady.

Shynynda da solaı. Odan bizdiń elimizdi kóp shyǵynsyz alyp shyǵýdyń bir ǵana joly bar. Ol – Prezıdentimiz Qasym-Jomart Toqaevtyń elimiz boıynsha jarııalaǵan tótenshe jaǵdaı men Nursultan jáne Almaty qalalaryna engizilgen karantın sharalarynyń talaptaryn buzbaý bolyp tabylatyny aıtpasa da túsinikti. Osyndaı qysyltaıań kezeńde has batyrymyz Baýyrjan Momyshulynyń «Tártipke baǵynǵan qul bolmaıdy» degen ulaǵatty sózi eske túsedi. Olaı deıtinimiz, koronavırýs indetiniń artynda bizdiń elimizdiń múddesi, ulttyń densaýlyǵy, ekonomıkalyq qaýipsizdik jáne saıası turaqtylyq faktorlary turǵanyn umytpaýymyz kerek.

Osy oraıda, Germanııanyń Kansleri Angela Merkeldiń: «...Jaǵdaı óte múshkil. Oǵan shyndap mán berińizder. Ekinshi dúnıejúzilik soǵystan keıin bizdiń elde mundaı úlken synaq bolǵan emes» deýi beker emes.

Iá, bul bizdiń eldigimiz ben birligimizdi tanytatyn uly synaq. «Biz «jaýdyń» qaıda ekenin, ol shabýyl úshin qandaı «qarýdy» paıdalanatynyn jáne onyń kúshin tıimdi tómendetetin qandaı ádister baryn bilmeımiz...» dep jazdy Týnszı medısınalyq ýnıversıtetiniń sot medısınasy kafedrasynyń professory Lıý Lıan. Shynymen de solaı. Búgingi kúni bir Italııanyń ózinde  ǵana kúnine 800-den astam adam atalmysh indettiń qurbany bolyp otyr. Sonymen qatar,  o basta bul indetke nemquraıdy qaraǵandyqtan zalal shegip otyrǵandyqtaryn ashyq moıyndaǵan ıtalıandyqtar álem jurtshylyǵyna úndeý tastap jatyr.

Italııa gazetteriniń kúndelikti nómiri qara jamylyp shyǵatyn kórinedi. Sebebi, gazet betterinde jarııalanatyn maqaladan góri, qazanama men kóńil aıtýlar basym túsip jatqan syńaıly.Buǵan qosa pandemııa etke jaıyp bara jatqan  júz jetpisten astam memlekettiń taǵdyry qalaı bolatyny da bir Allaǵa aıan. Sondyqtan da bul indet jaıbaraqattyq pen jaıbasarlyqty, salaqtyq pen salǵyrttyqty kótermeıdi.

Beken Nurahmetov,

S.Berdiqulov atyndaǵy syılyǵynyń laýreaty.

ALMATY

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar