Aımaqtar • 22 Naýryz, 2020

Aqtóbede medısına qyzmetkerlerin yntalandyrý sharalary belgilendi

39 retkórsetildi

Tas túsken jerine aýyr degendeı, búgingi tańdaǵy koronavırýs indeti birinshi kezekte medısına qyzmetkerlerine atan-túıe tarta almaıtyndaı zil batpan aýyr salmaq túsirýde. Iаǵnı, qazirgi kúrdeli jaǵdaılarǵa baılanysty olarǵa túsetin júkteme birneshe ese túsip otyr. Osyǵan oraı Aqtóbe aımaǵynda medısına qyzmetkerleriniń qyzmetin qoldaý men yntalandyrýǵa qatysty birqatar is-sharalar kesheni belgilendi.

Bul úshin birinshi kezekte jedel-járdem brıgadalarynyń is-qımyldaryn júıeli jolǵa qoıý jóninde arnaıy sheshim alynyp, saladaǵy saqtyq sharalary kúsheıtildi. Soǵan saı qajetti medısınalyq qural-jabdyqtar qory jasaqtaldy. Aqtóbe oblystyq densaýlyq saqtaý basqarmasynyń basshysy Áset Qalıevtyń aıtýynsha mundaǵy medısına qyzmetkerleriniń bári  56 myń bir ret paıdalanylatyn bet-perdemen jáne 500 dana arnaıy kıim úlgilerimen qamtylǵan. Buǵan qosa qosymsha kóp rettik kıim qorlary da ázirlengen.

Qazirgi kúni oblystyń barlyq aýdandarynda qajetti qural-jabdyqtarmen tolyqtaı jasaqtalǵan jedel járdem brıgadalary jaýapty jumystardyń bel-ortasynda júr. Sonyń ishinde oblys ortalyǵyndaǵy jedel járdem brıgadalary shaqyrylǵan jerge keshikpeı tez jetý rejımine kóshirilgen. Bulardyń quramy biliktiligi men kásibı deńgeıi joǵary medısına qyzmetkerleri qatarynan iriktelip alynǵan.

«Jergilikti densaýlyq saqshylary vırýstyq belgileri boıynsha kúdik týǵyzǵan azamattardy oqshaýlaý máselesinde de belsendi is-qımyl tanytyp júrgenderin aıtý paryz. Bul baǵyttaǵy ázirlengen tósek oryndardyń mólsheri kúnnen kúnge kóbeıip keledi. Taıaý arada onyń sanyn kem degende úsh myńǵa deıin jetkizý maqsaty qoıylǵan. Buǵan qajetti múmkindikter de bar» dep málimdedi Á.Qalıev.

О́ńirde qazirgi kúrdeli kezeńde ýaqytpen sanaspaı kúndiz-túni jumys jasaýǵa bir kisideı jumylǵan medısına qyzmetkerlerin materıaldyq jáne moraldyq turǵydan yntalandyrýdyń birneshe joldary qarastyrylýda. Árıne olardyń jalaqylaryn kóterý jónindegi tetik pen ókilettilik múmkin jergilikti atqarýshy organdardyń nemese oblys basshysynyń qolynda turmaǵan da shyǵar. Soǵan qaramastan oblysta bul úshin jergilikti bıýdjetten qosymsha qarajat kózderi qarastyrylyp jatqany qoldaýǵa ábden turarlyqtaı.

Túıip aıtqanda búgingi kúni Aqtóbede jasaqtalǵan 840 baqylaý orny kóz ilmesten qyzý is ústinde.

AQTО́BE

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar