Aımaqtar • 22 Naýryz, 2020

Azamattardy úıden shyqpaýǵa shaqyramyz - A. Kólginov

110 retkórsetildi

Elorda ákimi Altaı Kólginov búgin óziniń Facebook-paraqshasynda qalada jarııalanǵan karantın jaǵdaıyndaǵy sharalar týraly jazba jarııalady. 

«Qurmetti qala turǵyndary!
Nur-Sultan qalasynda karantın jarııalandy. 22 naýryz kúni saǵat 00:00den bastap elordaǵa kirip-shyǵýǵa tyıym salyndy. Nur-Sultan qalasy boıynsha koronavırýstyq ınfeksııanyń taralýyna jol bermeý jónindegi jedel shtab mynadaı jumystar atqarýda:

- Shetelden kelgen barlyq jolaýshylardy birden medısınalyq stasıonarǵa ornalastyramyz. Medısınalyq qyzmetkerler qalaǵa ushyp kelgen azamattardy birden saraptamadan ótkizedi. Saraptamanyń nátıjesinde densaýlyǵy qalypty bolǵan jaǵdaıda ǵana kelgen azamattar qalaǵa kire alady. Bul sharalar turǵyndarymyzdyń qaýipsizdigi úshin qabyldanyp otyr.

- Qalaǵa azyq – túlik pen qajetti taýarlardy tasymaldaýǵa esh kedergi joq. "Jasyl dáliz" júıesi jumys isteıdi. Júrgizýshiler men ekspedıtorlardyń maskalary, taýarǵa ilespe qujattary, jeke kýálikteri, tehpasport sııaqty qujattary bolýy tıis. Qala ákimdigi tirkeý ýaqytyn qysqartýǵa múmkindik beretin mobıldi qosymshany iske qosty. Qosymsha polısııa qyzmetteriniń planshetterine júkteldi. Qosymshaǵa qalanyń tynys-tirshiligin qamtamasyz etetin mekemelerde (JEO, kommýnaldyq qyzmetter, TJD ) jumys isteıtin qyzmetkerlerdiń derekteri júkteldi. Qyzmetkerler jumystan úıge qatynaı alady.

- Sanıtarlyq normalar kúsheıtildi. Dezınfeksııa barlyq áleýmettik nysandarda, saýda oıyn-saýyq ortalyqtarynda, bazarlarda, turǵyn úı keshenderiniń kireberisterinde, qonaq úılerde, sondaı-aq aıaldamalarda, avtobýstarda jáne t. b. júrgizilip jatyr.

- Kafe, meıramhana, túngi klýb, kıim satatyn dúkender, balalardyń oınaıtyn alań, sport ortalyǵy syndy nysandar jáne t. b. jumysyn ýaqytsha toqtatty.

Azamattardy úıden shyqpaýǵa, barlyq qaýipsizdik sharalaryn saqtaýǵa shaqyramyz» delingen jazbada.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar