Aımaqtar • 24 Naýryz, 2020

Almaty oblysy: tótenshe jaǵdaı tártibin buzǵan 4 adam 5 táýlikke qamaldy

47 retkórsetildi

Almatynyń tolyqtaı oqshaýlanýyna baılanysty qaladan shyǵatyn joldar jabyq. Qazir polısııa men ásker bólimderi megapolıstiń tórt qubylasyn tolyqtaı baqylaýǵa alǵan. Ásirese, qala irgesindegi aýdandardan shyǵatyn ishki joldarǵa kúzet kúsheıtildi.

Biraq, eskertý men tıymǵa qaramastan qalaǵa zańsyz jolmen kirýge áreket jasaýshylar qatary azaımaı tur. Sońǵy 4 kún ishinde oblys aýmaǵyndaǵy tosqaýyl beketterin aınalyp ótýge tyrysqan azamattar 5 táýlikke qamaqqa alyndy. Mysaly, tórt azamat Almaty qalasymen shekaradaǵy tosqaýylbeketterin zańsyz aınalyp ótýge áreket etken.

- 1986 jyly týǵan Túrkistan qalasynyń turǵyny tótenshe jaǵdaı tártibin buzyp, Almaty qalasynyń aýmaǵyna «Aqsaı» ózeni arqyly jasyryn ótýge tyrysqan. 1968 jyly týǵan Almaty oblysynyń turǵyny da osy jolmen karantın jarııalanǵan aýmaqqa ótýge árekettendi. Taǵy bir oblys turǵyny Ile aýdanynyń Álmerek eldi mekeniniń mańyndaǵy №22 tosqaýyl beketi janynda ustaldy. Tórtinshi quqyq buzýshy, 2000 jyly dúnıege kelgen Qyrǵyz eliniń azamatshasy bolyp shyqty. Shetel azamatynyń jeke basyn kýálendiretin eshqandaı qujattary joq eken. Qazirgi jaǵdaıda atalǵan azamattardyń áreketteri qoldanystaǵy zańnamaǵa sáıkes qatań jazalanatyn bolady,- dep habarlady jýrnalısterge Qarasaı aýdany polısııa basqarmasynyń bastyǵy, polısııa polkovnıgi Ashat Danııar.

Ustalǵan tártip buzýshylarǵa Ákimshiliq kodekstiń 476-babyna sáıkes hattama toltyryldy. Olar mamandandyrylǵan aýdanaralyq sottyń sheshimimen 5 táýlik merzimge qamaýǵa alyndy. Al, Qyrǵyz eliniń azamaty jeke basy týraly derekter anyqtalǵanǵa deıin qamaýǵa alynyp, ol qabyldaý-taratý mekemesine ornalastyrylǵan.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar