Aımaqtar • 24 Naýryz, 2020

Sarysýlyq dıqandar dala jumysyna kiristi

34 retkórsetildi

 Kóktem kelip, kún jylyna salysymen Sarysý aýdanynyń dıqandary kóktemgi egis dala jumystaryna kirisip ketti.

 

Búginde jalpy aýdan boıynsha 21128 gektar jerge 3150 tonna bıdaı sebilgen. Onyń 4600 gektaryna jazdyq arpa, 1000 gektar sýarmaly jerine maqsary, 40 gektaryna kartop, 230 gektaryna kókónis, 300 gektaryna baý-baqsha, 4798 gektaryna jalpy kópjyldyq jońyshqa egiledi.

 Munyń 860 gektary bıyl egiletin bolsa, 1487 gektar jer jańartylyp, demaldyrylýda. Sonymen qatar, Jambyl oblysynda qarqyn alǵan óńir turǵyndarynyń turmystyq tabysyn arttyrýǵa arnalǵan pılottyq joba aıasynda Sarysý aýdanynda mal ósirý, egistik egý josparlanǵan. Aýyl turǵyndarynyń ál-aýqatyn arttyrýǵa baǵyttalǵan pılottyq joba boıynsha búginde aýdanda 275 adam 752 mıllıon teńge kóleminde nesıe alǵan.
Atalǵan pılottyq joba aıasynda «Saýdakent-2019» kooperatıviniń tóraǵasy Begaıdar Aıtbaev 19 mıllıon 600 myń teńge nesıe alyp, egistikpen aınalysýda. «Sýarmaly 50 gektar jerge jońyshqa, 15 gektaryna súrlemdik, 15 gektaryna dándik júgeri sebemin. Bul oraıda Saýdakent aýylynda da 20-25 adamdy maýsymdyq jumyspen qamtýǵamúmkindigimiz bar», deıdi Begaıdar Aıtbaev.

Sol sııaqty Túrkistan aýyldyq okrýgi de búginde «Kósegeniń kók jonynan» bólingen 315 gektar jerdi jyrtýdy bastap ketti. Qazirgi kezde 50 gektardan astam jer jyrtylǵan. Sonymen qatar, qajetti jumysqa jergilikti turǵyndar tartylýda. Qazirdiń ózinde árqaısysy jumys baǵytyna qaraı 60-80 myń teńge aralyǵynda aılyq alady eken.

 

Jambyl oblysy

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar