Aımaqtar • 24 Naýryz, 2020

Jambyl oblysynyń beketterinde 33 myńnan asa jolaýshy tekserildi

23 retkórsetildi

Aǵymdaǵy jyldyń 19 naýryzynan bastap Jambyl oblysynyń respýblıkalyq mańyzy bar joldarynda sanıtarlyq-karantındik blok-beketter jumys istep keledi.

Onda táýlik boıy kezekshilik uıymdastyrylyp, medısına, polısııa jáne prokýratýra qyzmetkerleri jumys atqarýda. Olar jolaýshylardy koronavırýstyq ınfeksııa týraly habardar etip, kólikter qozǵalysyn baqylap, turǵyndardyń dene qyzýyn ólsheý boıynsha tıisti jumystar atqaryp otyr.

Kún saıyn blok-beketter arqyly oblys aýmaǵyna myńdaǵan adamdar ótýde. Árbir ótetin adamnyń málimetteri saýalnama arqyly jazylyp, medısına qyzmetkerleri teplovızorlardyń kómegimen dene qyzýlaryn anyqtaý sharalaryn júrgizýde. Aldyn alý bloktary Qyrǵyz elimen shektesetin Qordaı aýdanynda, Qaraǵandy oblysymen shektesetin Moıynqum aýdanynda, Túrkistan oblysymen shekaralas Jýaly jáne Sarysý aýdandarynda ornalasqan.

Beketterdegi medısına qyzmetkerleri avtokólik júrgizýshileriniń jáne jolaýshylardyń densaýlyq jaǵdaıyn tekseredi jáne aldyn alý is-sharalaryn júrgizedi, sonymen qatar derekteri boıynsha saýalnama toltyrady.Osyndaı sanıtarlyq-karantındik beketter óńir aýmaǵyndaǵy «Aıshabıbi» jáne «Qarasý» shekara mańyndaǵy ótkizý pýnktterinde de jumys isteýde.

Jambyl oblysy ákimdiginiń málimetinshe, 24 naýryzdaǵy jaǵdaı boıynsha aldyn alý beketterinde 11 211 birlik avtokólik ótip, 33 409 jolaýshy tekserilgen. Olarǵa 25 563 jadynama men paraqshalar taratylǵan.О́ńir turǵyndary men qonaqtary koronavırýstyq ınfeksııanyń aldyn alý jáne taralýyna jol bermeý boıynsha atqarylyp jatqan is-sharalarǵa túsinistik tanytýda.Búgingi tańda Jambyl oblysy aýmaǵynda koronavırýstyq ınfeksııa tirkelmegen.

 

Jambyl oblysy

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar