Elorda • 24 Naýryz, 2020

Elorda ákimdigi Prezıdent tapsyrmalaryn iske asyryp jatyr

26 retkórsetildi

Elorda ákimi Altaı Kólginov koronavırýs ınfeksııasynyń taralýyn aldyn alý boıynsha jedel shtab otyrysyn ótkizdi. Bul týraly Nur-Sultan qalasy ákimdiginiń baspasóz qyzmeti habarlady.


«Memleket Basshysy Qasym-Jomart Toqaev birqatar mańyzdy jáne áleýmettik sharalardy qabyldaýdy tapsyrdy.

Birinshiden,biz adamdar kóp jınalatyn barlyq nysandardyń qyzmetin shektep, HQKO-lardy onlaın-jumysqa aýystyrdyq. Azyq – túlik dúkenderi men dárihanalar ǵana jumys istep jatyr.

Ekinshiden, elordaǵa kirýge de, shyǵýǵa da tyıym salyndy. Qala aýmaǵy boıynsha ótkizý-baqylaý beketteri  ornatyldy. Tártipbuzǵandar qatań túrde jazalanady. Osy aralyqta karantın rejımin saqtamaǵany úshin 80-ge jýyq adam jaýapkershilikke tartyldy.

Úshinshiden, barlyq áýejolaýshylar koronavırýsqa test tapsyrady.

Tórtinshiden, bul indetti jasy úlken, sozylmaly dertteri bar azamattar kótere almaı jatyr. Dıspanserlik esepte turǵan jáne ambýlatorııalyq dári-dármekpen qamtamasyz etilip jatqan qart adamdarǵa ikomek arqyly úıge dári-dármek, qajetti qorǵanys quraldaryn jetkizý jumystaryn uıymdastyramyz. Sondaı-aq áleýmettik az qamtylǵan otbasylarǵa kepildi áleýmettik kómekti úılerine jetkizemiz. Barlyq sharalar turǵyndardyń qaýipsizdigin qamtamasyz etýge baǵyttalǵan. Qajetsiz úıden shyqpaý qajet.

Besinshiden,«Farmasııa» SQ birlesip dárihanalarǵa medısınalyq maskalar men antıseptıkterdi ákelý boıynsha jumystardy turaqty negizde júrgizemiz. Bir apta ishinde 650 myńnan astam medısınalyq maska ákelindi. Qosymsha áli de ákelinedi. Barlyq medısına jáne polısııa qyzmetkerleri, áleýmettik nysandarda jasaıtyn jumysshylar maskalarmen qamtamasyz etildi.

Elbasynyń tapsyrmasyna sáıkes Tuńǵysh Prezıdent Qory men Nur Otan partııasy  175 mln teńge bóldi. Sonymen qatar, qosymsha maskalar bólindi», - dedi qala ákimi Altaı Kólginov. Memleket basshylyǵynyń tapsyrmasyna sáıkes medısına jáne polısııa qyzmetkerleri,  koronavırýs indetine qarsy kúres sharalaryna tartylǵan basqa da mamandar naýryz aıynyń sońyna deıin syıaqy alady.

Budan basqa, qalada dezınfeksııa sharalary kúsheıtildi. Dezınfeksııa áýejaıda, vokzaldarda, saýda oıyn-saýyq ortalyqtarynda, bazarlarda, áleýmettik nysandarda, sondaı-aq  avtobýstarda, turǵyn úılerdiń kireberisterinde, aıaldamalarda jáne t. b. júrgizilip jatyr. Elordada maskalardy, qolǵaptardy jáne basqa da qorǵanys quraldaryn jınaý jáne kádege jaratý úshin arnaıy konteınerler ornatyldy.


Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar