Úkimet • 24 Naýryz, 2020

Úkimet 2020-2022 jyldarǵa arnalǵan respýblıkalyq bıýdjetke naqtylaý engizedi

40 retkórsetildi

Premer-Mınıstr Asqar Mamınniń tóraǵalyǵymen ótken keńeste Memleket basshysy Qasym-Jomart Toqaevtyń Prezıdent janyndaǵy Tótenshe jaǵdaı rejımin qamtamasyz etý jónindegi Memlekettik komıssııanyń keńeıtilgen otyrysynda bergen tapsyrmalaryn oryndaý sharalary qaraldy. 

Premer-Mınıstrdiń birinshi orynbasary - Qarjy mınıstri Á. Smaıylov, Ulttyq bank tóraǵasy E. Dosaev, Qarjy naryǵyn retteý jáne damytý agenttiginiń tóraıymy M. Ábilqasymova, ulttyq ekonomıka mınıstri R. Dálenov, densaýlyq saqtaý mınıstri E. Birtanov, eńbek jáne halyqty áleýmettik qorǵaý mınıstri B. Nurymbetov jáne memlekettik organdardyń basqa da basshylary baıandama jasady. 

Keńeske qatysýshylar 2020 jylǵa arnalǵan bıýdjet parametrlerin jáne memlekettik satyp alý salasynda qabyldanyp jatqan sharalardy talqylady, onyń ishinde otandyq taýar óndirýshilerdiń tizilimin jasaý jáne arnaıy memlekettik satyp alý rejımin engizý, qamtamasyz etý jarnasyn nemese bank kepildemesin usyný qajettigin alyp tastaý boldy. 

Valıýta naryǵyn turaqtandyrý, iskerlik belsendilikti salyqtyq yntalandyrý, nesıeler boıynsha negizgi qaryz somasyn jáne syıaqy tóleýdi toqtata turý, jumys berýshilerdi, ásirese, ShOB-ty qoldaý, azyq-túlik qaýipsizdigi men baǵa turaqtylyǵyn qamtamasyz etý, tótenshe jaǵdaıdyń engizilýine baılanysty tabysynan aıyrylǵan tulǵalarǵa áleýmettik tólem jasaý, halyqtyń áleýmettik áljýaz toptary úshin tegin azyq-túlik jıyntyǵyn úlestirý, jumyspen qamtýdy qamtamasyz etý, sondaı-aq karantın kezeńinde kommýnaldyq qyzmetterge tólemderdi tómendetý sharalary qarastyryldy.

Test júıelerimen, ókpeni jasandy tynys aldyrý qurylǵylarymen, dári-dármektermen jáne jeke qorǵanysh quraldarymen qamtamasyz etý máselesine erekshe kóńil bólindi.   

Premer-Mınıstr Úkimettiń qysqa merzim ishinde 2020-2024 jyldarǵa arnalǵan eldiń áleýmettik-ekonomıkalyq damý boljamyna jáne 2020-2022 jyldarǵa arnalǵan respýblıkalyq bıýdjetke naqtylaý engizetinin atap ótti. 

Úkimet basshysy Memleket basshysynyń tapsyrmalaryn tıimdi ári jedel iske asyrý boıynsha naqty sharalardy qabyldaýdy tapsyrdy. 

Sońǵy jańalyqtar

Beıqamdyqqa jol berilmeýi kerek

Rýhanııat • Búgin, 19:44

Úkimet syıaqy mólsherin belgiledi

Sport • Búgin, 19:42

Koronavırýssyz Qostanaı

Aımaqtar • Búgin, 19:27

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Jel sypyrdy aýlańdy erinshekteý

Ádebıet • Búgin, 17:38

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

El eńsesin kótergen málimdeme boldy

Rýhanııat • Búgin, 17:35

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Uqsas jańalyqtar