Aımaqtar • 25 Naýryz, 2020

Túrkistan: Daýyl turǵyn úı men áleýmettik nysandardyń shatyryn ushyryp áketti

30 retkórsetildi

Túrkistan oblysynda qatty jeldiń saldarynan turǵyn úı men áleýmettik mańyzy bar birneshe nysan shatyrsyz qaldy. Naqtyraq aıtsaq, Saıram aýdanyndaǵy №41 Mádenı mektebiniń shatyrynyń 1 136 sharshy metr profnastılin jel ushyryp jibergen. Sondaı-aq aýdandaǵy taǵy bir mekteptiń shatyry jeldiń ekpininen zaqymdalǵan.

Al 23 naýryz kúni keshkisin Báıdibek aýdanynda 21 m/s ekpinimen soqqan jeldiń saldarynan Alǵabas aýylynda ornalasqan orta mekteptiń 91 sharshy metr profnastıli qıraǵan. Tólebı aýdany Lengir qalasynda qatty jel turǵyn úıdiń shatyryn túgel ushyryp jibergen. Kentaý qalasynda 24 naýryz kúni ortalyq aýrýhananyń 200 sharshy metr shatyryn jel túgel ushyryp áketti. Sonymen qatar, №1 Y.Altynsarın atyndaǵy jalpy orta mektebiniń, «Elektron» dúkeniniń, Iаsaýı kóshesindegi 5 qabatty turǵyn úıdiń shatyryn da jel ushyryp jibergen. Byltyr ǵana paıdalanýǵa berilgen Kentaý qalasyndaǵy «Erketaı» jekemenshik balabaqshasy da shatyrsyz qaldy. Bıyl paıdalanýǵa berilgen «Din asyl-2» jekemenshik balabaqshasynyń, sondaı-aq saz mektebiniń de shatyry dúleı jelge tótep bere almaı jelge ushty.

ch

Túrkistan oblystyq Tótenshe jaǵdaılar departamenti baspasóz qyzmetiniń habarlaýynsha, barlyq jaǵdaıda adamdar din aman, eshkim zardap shekpegen. Qazir oqıǵa ornynda quzyrly organdar tıisti jumystar júrgizýde.

 

Túrkistan oblysy

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar