Qoǵam • 25 Naýryz, 2020

Tótenshe jaǵdaı kezinde 500 myńǵa jýyq adam azyq-túlikpen qamtamasyz etiledi

239 ret kórsetildi

Eńbek jáne halyqty áleýmettik qorǵaý mınıstrligi Memleket basshysynyń tapsyrmasymen tótenshe jaǵdaı kezinde azyq-túlik pen turmystyq jıyntyq alýshylardyń tizimin jasady. Oǵan jalpy sany 500 myńǵa jýyq adamdy quraıtyn 4 sanattaǵy azamattar engizilgen.

Atap aıtqanda, elimizdiń barlyq aýmaǵynda ataýly áleýmettik kómek alatyn tabysy az otbasylardyń, onyń ishinde kópbalaly otbasylardyń 6 jastan 18 jasqa deıingi balalaryna azyq-túlik pen turmystyq jıyntyq usynylatyn bolady.

Budan bólek karantın jarııalanǵan aımaqtarda azyq-túlik pen turmystyq jıyntyq AÁK alatyn otbasylardyń eresek múshelerine, onyń ishinde kópbalaly otbasylarǵa; barlyq jastaǵy I jáne II toptaǵy múgedekterge, sondaı-aq múgedek balalarǵa; múgedek balany kútýmen aınalysatyn ata-analarǵa beriledi.

Eńbek jáne halyqty áleýmettik qorǵaý mınıstrligi baspasóz ortalyǵynyń habarlaýynsha, azyq-túlik pen turmystyq jıyntyqtyń quramyn jergilikti atqarýshy organdar olarǵa bólingen qarajat sheginde aıqyndaıdy.

Sońǵy jańalyqtar

Atyraýda ury úsh jyldan keıin ustaldy

Aımaqtar • Búgin, 16:06

Almaty qalasynda jer silkindi

Ekologııa • Búgin, 11:00

Sora ekken turǵyn tergelýde

Aımaqtar • Keshe

Uqsas jańalyqtar