Qoǵam • 25 Naýryz, 2020

Aýrýdan aıyǵýǵa araq kómektespeıdi

230 retkórsetildi

Koronavırýstyq juqpa órshigeli halyqtyń arasynda aýrýdy emdeýdiń nebir tásilderin usynǵan «aqyl-keńester»  kóbeıip ketti. Keıbireýler ashy sýdyń da aýrýdy basýǵa áseri bar dep aǵat oılap júr. Dárigerlerdiń aıtýynsha, araq, kerisinshe, aǵzany odan ári ýlap, dertten aıyǵýǵa kedergi keltiredi.

Áleýmettik jelide taralǵan jalǵan aqparattar talaı adamnyń túbine jetti. Kóptegen aýdıo, beınejazbalarda spırttik ishimdikter vırýstyń aldyn alatyny aıtylyp júr. Buǵan sengen keıbir ańǵal turǵyndar kóp mólsherli spırttik ishimdikterden ýlanǵan jaıy bar. Mysaly, búginge deıin Iranda «aýrý jolamaıdy» degen úmitpen spırttik ishimdikter tutynǵan 200-deı adam ýlanyp, qaıtys bolǵan. О́zin-ózi emdeýdiń qurbany bolǵandardyń biri ­­­- kishkentaı bala. Ata-analary spırtti ózderi ishkenimen qoımaı, balasyna da bergen eken. Sonyń saldarynan bala kózinen aıyrylǵan.

Ǵalamtordaǵy málimet boıynsha, Shyǵys Ázerbaıjan aımaǵynda alkogoldi ishimdikten 230 adam ýlanǵan, onyń 20-sy qaıtys bolǵan. Alborzda da 20 adam ýlanyp, ólgen. 

Koronavırýs juqtyrýdan qoryqqan turǵyndardyń ishinde ishýge bolmaıtyn ónerkásiptik spırt – metanoldy qoldanǵandar da tabylypty. Bul ýly spırtten 7 adamnyń kóz jumǵany belgili boldy. Taǵy tórt adam metanoldyń ýytynan kórýden qalǵan.

Sondyqtan Dúnıejúzilik densaýlyq saqtaý uıymy alkogoldy ishimdikterden bas tartýǵa, resmı emes aqparattarǵa senbeýge shaqyrady. Mamandardyń aıtýynsha, ashy sý vırýstan qorǵamaıdy, kerisinshe, aǵzaǵa zııan keltirip, saýyǵý prosesin kesheýildetedi.  Onyń ornyna durys tamaqtanyp, salamatty ómir saltyn ustanǵan jón.

 

Qymbat TOQTAMURAT

 

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar