Aımaqtar • 26 Naýryz, 2020

Karantın kezinde Shymkentte HQKO jumysy ýaqytsha toqtatyldy

73 retkórsetildi

Karantın barysynda Shymkentte halyqqa qyzmet kórsetý ortalyqtarynyń jumysy ýaqytsha toqtatyldy.

Endi shymkenttikter memlekettik qyzmetterdi tek onlaın ala alady. Koronavırýs ınfeksııasynyń taralýyn boldyrmaý jáne oqshaýlaý sharalaryn kúsheıtý maqsatynda karantın barysynda elimizdegi halyqqa qyzmet kórsetý ortalyqtarynyń jumysy ýaqytsha toqtatyldy. Bul týraly Memleket basshysy Qasym-Jomart Toqaev Qazaqstandaǵy tótenshe jaǵdaı jónindegi memlekettik komıssııanyń otyrysynda málimdedi.

Qazaqstandyqtarǵa búgingi tańda memlekettik qyzmetterdiń 80%-y elektrondy úkimet portaly arqyly qoljetimdi, sondaı-aq qajetti anyqtamalardy eGov Mobile mobıldi qosymshasy jáne telegramdaǵy egovkzbot2.0 boty arqyly alýǵa bolady.

HQO-nyń eń tájirıbeli degen jáne arnaıy oqýdan ótken 1800-den astam qyzmetkeri 1414 baılanys ortalyǵynyń keńes berýshilerimen birge azamattarǵa memlekettik qyzmetterdi onlaın túrde alý boıynsha kómek kórsetedi. Bir ýaqytta baılanys ortalyǵynyń mamandary myńnan astam azamatqa keńes bere alady dep josparlanýda. Baılanys ortalyqtary dúısenbiden senbige deıin tańǵy 9.00-den keshki 20.00-ge deıin jumys isteıdi. Qońyraý shalý tegin.

Budan bólek, Azamattarǵa arnalǵan úkimettiń 200-den astam qyzmetkeri beıneqońyraý arqyly qyzmet alýshylardy mobıldi azamattar bazasynda tirkeıtin bolady. Bul rette 21 naýryzǵa deıin ótinish berip úlgergen azamattar qyzmetterdiń daıyn nátıjesin ózi ótinish bergen HQO-nyń qujat berý sektorynan alyp kete alady.

Avtomobıldi qaıta tirkegen nemese júrgizýshi kýáligin onlaın túrde aýystyrǵan kólik ıeleri daıyn qujattar men nómirlerdi óz qalalaryndaǵy mamandandyrylǵan HQO-dan ala alady, onda da daıyn qujattardy berý terezesi jumys isteıtin bolady.

Daıyn qujattardy berý terezeleriniń jumys tártibi: dúısenbi-juma 9.00-den 17.00-ge deıin, senbi saǵat 9.00-den 14.00-ge deıin. Azamattarǵa arnalǵan úkimet Shymkent qalasy boıynsha fılıaly turǵyndardy barlyq sanıtarlyq talaptardy oryndap, úıden shyqpaýǵa keńes beredi jáne kerekti memlekettik qyzmetterdi onlaın alýǵa shaqyrady.

 

Shymkent 

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar