Suhbat • 26 Naýryz, 2020

Jaýyngerlik daıyndyq eshqandaı jaǵdaıda da zardap shekpeýi tıis

32 ret kórsetildi

Qazirgi tańda Nur-Sultan men Almaty qalalarynda koronavırýstyq ınfeksııanyń taralýynyń aldyn alýǵa qatysty is-sharalarǵa áskerı bólim qyzmetkerleri jappaı tartylýda. Osy oraıda QK Bas áskerı-medısınalyq basqarmasynyń bastyǵy medısına qyzmetiniń polkovnıgi Tımýr Oshaqbaevtan qabyldanǵan sharalar men is-áreketter týraly suraǵan bolatynbyz.

Ol áskerı qyzmetshilerdiń qaýipsizdigi jáne daǵdarys kezindegi jaýyngerlik qabilet týraly aıtyp berdi.  

-        Eń aldymen, bul aǵartý jumysy ekenin aıta ketý kerek. Barlyq áskerı qyzmetshi koronavırýstyń qandaı qaýipti jáne ony juqtyrýdyń aldyn alý joldary qalaı ekenin biledi. Sanıtarlyq baqylaý jáne óńdeý sharalary arttyrylady. Qyzmettik bólmeler men kazarmalardy kúndelikti dezınfeksııalaý qalypty jaǵdaıǵa aınaldy. Búgingi kúni áskerı bólimderde jeke tazalyq úshin dezınfeksııalyq quraldar bəri úshin qol jetimdi bolyp otyr. Sondaı-aq árbir áskerı qyzmetshiniń densaýlyq jaǵdaıyna úlken kóńil bólinedi. Bizdiń barlyq medısına qyzmetkerleri jeke quramnyń kóńil-kúıine úzdiksiz baqylaý júrgizedi.

Qashyqtyqtan jumys isteýge kóshý josparda bar ma?

-        Joq. Áskerı qyzmetshiler qashyqtyqtan jumys isteýge óte almaıdy. Olar karantın týraly aıtpaǵanda, tipti áskerı is-qımyldar jaǵdaıynda da mindetterdi oryndaýy tıis. Jaýyngerlik daıarlyq eshqandaı jaǵdaıda da zardap shekpeýi tıis. Biraq bizde búgin kóptegen adamdardyń jınalýyna baılanysty jappaı is-sharalar toqtatyldy. Áskerı qyzmetshilerdiń bir bóligi kestege sáıkes demalysqa jiberildi. Jaýyngerlik daıyndyqqa baılanysty emes mindetterdi, keńse qyzmetterin oryndaıtyn azamattyq personal qashyqtyqtan ıaǵnı úıde jumys isteıdi. Kún saıyn áskerı bólimderden tysqary shyǵatyn kelisimshart boıynsha áskerı qyzmetshilerdiń jaýyngerlik daıarlyǵy bólimde táýlik boıy bolatyn merzimdi qyzmet áskerı qyzmetshilerden bólek júzege asyrylady. Merzimdi qyzmettegi áskerı qyzmetshilerdi jáne áskerı oqý oryndary kýrsanttaryn bosatýǵa jəne olardyń týystary men jaqyndaryna barýǵa tyıym salynady. Biraq olarmen qarym-qatynas jasaý úshin smartfondardy paıdalaný múmkindigi keńeıtildi. Sondyqtan, ata-analar tynyshtyǵy basty nazarda bolyp otyr.

Basshylyq quramnyń qaýipsizdigi úshin qosymsha sharalar qabyldana ma?

-        Joq, barlyq áskerı qyzmetshiler úshin keshendi is-sharalar shtattyq rejımde júzege asyrylady: dezınfeksııa, sanıtarlyq óńdeý, jeke tazalyq erejelerin saqtaý boıynsha usynystar da qarastyrylady. Biraq, barlyq keńester tek selektorlyq rejımde ótkiziledi. Budan basqa, Qorǵanys mınıstriniń ózara almastyrýshy basshylary men orynbasarlary arasyndaǵy tikeleı baılanystar alynyp tastaldy. Osyǵan uqsas erejeler Qorǵanys Mınıstrliginen jeke áskerı bólimge deıin basqarýdyń barlyq deńgeılerinde engizildi. Bul saqtyq sharalary memlekettik qajettilik maqsatynda uıymdastyrylǵan Qarýly Kúshterdiń úzdiksiz jumys isteýin qamtamasyz etýge baǵyttalǵan. Bul jaǵdaıda jaýyngerlik qabilettilikti saqtaý - áskerı ǵylym men təjirıbesiniń talaptarynyń biri bolyp sanalady.

Osy is-áreketter algorıtmi aldyn ala qarastyrylǵan jáne qazir iske asyryldy.

Sońǵy jańalyqtar

Vırýs mýtasııaǵa ushyrady

Koronavırýs • Keshe

Munaılyda gıdroponıka salasy damyp keledi

Aımaqtar • 30 Qazan, 2020

Elordada kottedjde bolǵan órt sóndirildi

Aımaqtar • 30 Qazan, 2020

Elordada 1700-den astam jumys orny quryldy

Aımaqtar • 30 Qazan, 2020

Uqsas jańalyqtar