Aımaqtar • 27 Naýryz, 2020

Áýlıeatalyq áskerıler qoǵamdyq oryndardy dezınfeksııalaýda

33 retkórsetildi

Koronavırýs indetiniń aldyn alý jáne turǵyndardyń qaýipsizdigin qamtamasyz etý maqsatynda «Ońtústik» óńirlik qolbasshylyǵynyń áskerı qyzmetshileri qolbasshylyqtyń jaýapkershilik aımaǵyna kiretin Taraz qalasyndaǵy qoǵamdyq oryndardy dezınfeksııalaýǵa kiristi. Taraz garnızonynyń 250-den astam áskerı qyzmetshisi kún saıyn sanıtarlyq jumystaryn júrgizýde. Buǵan deıin áskerı qyzmetshiler sanıtarlyq óńdeýden ótýge tıisti nysandardyń tizimin ázirlegen bolatyn. Olardyń qatarynda «Mart» jáne «Small» saýda ortalyqtary, «Aýyl Bereke», «Qaıqarmet» bazarlary, temirjol beketi, áýejaı, avtobeket jáne qalanyń basqa da adam kóp jınalatyn oryndary bar.

Dezınfeksııalaý búrký jáne sýarý ádisterimen júrgiziledi. Ol úshin «Rýbej» hlor eritindisi paıdalanylýda. Atalǵan eritindi vırýsqa tosqaýyl qoıýǵa jáne ony belgilengen shepten ári asyrmaýǵa baǵyttalǵan. «Rýbej» eritindisin sebý normasy ár sharshy metrge 1,5-2 lıtrdi quraıdy. Kanıstrdi únemi tolyqtyryp otyrý úshin ár óńdeý ýchaskesine arnaıy «ARS-14» avtomattandyrylǵan quıý stansasy bólingen. Ol kún saıyn tańerteń kerekti mólsherde dezınfeksııalyq eritindimen qamtylyp otyrady.

Qaladaǵy nysandardy sanıtarlyq óńdeý boıynsha áskerı jumystarǵa «Ońtústik» óńirlik qolbasshylyǵynyń radıasııalyq, hımııalyq jáne bıologııalyq qorǵaý áskerleriniń bastyǵy, maıor Muhtar Sataev basshylyq jasaýda. Ol dezınfeksııalyq jumystardy júrgizýge tartylǵan áskerı qyzmetshilerdiń jaýyngerlik belsendiliginiń joǵary ekenin atap ótti. Sonymen qatar, áskerıler qalany sanıtarlyq óńdeý boıynsha berilgen tapsyrmalardyń jaýapkershiligin sezinetinin, vırýstyń taralýyn boldyrmaý úshin kún saıyn kezekshilikke daıyn ekenin jetkizdi. Sonymen qatar, 85395 áskerı bóliminiń radıasııalyq, hımııalyq jáne bıologııalyq qorǵaý vzvodynyń komandıri, leıtenant Nursultan Tálipbaev ta árbir azamattyń qaýipsizdigi úshin aıanbaı eńbek etetinin jetkizdi.

 

Jambyl oblysy

 

 

 

   

 

 

 

   

 

    

 

   

 

   

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar