Qoǵam • 27 Naýryz, 2020

О́zender arnasynan asýy múmkin be?

18 retkórsetildi

Qysta qalyń qarymen, at qulaǵy kórinbeıtin boranymen, kóktemde eldi ábigerge salatyn tasqynymen erekshelenetin shyǵysta «úırengen jaýmen» kúreske daıyndyq qalaı?

Jasy­ratyny joq, bıyl aımaqta qar jyl­daǵydan qalyń tústi. «Qazgıdromettiń» habarlaýynsha, oblystyń taý ózenderindegi sý mólsheri ortasha kórsetkishten 30 paıyzǵa artyq. О́ńirdegi tótenshe jaǵdaı salasy mamandarynyń sózine sensek, oblys aýmaǵyndaǵy Ertis, Buqtyrma, Úbi, Úlbi, Gromotýha, Naryn, Turǵysyn, Hamır, Aq Berel, Úlken Bóken, Kúrshim, Qaljyr, Úrjar, Eginsý sekildi ózender arnasynan asýy múmkin. Ágárákı bul ózender tasıtyn bolsa, aımaqtaǵy úsh qala, 15 aýdandaǵy 108 eldi mekenge qaýip tóndirýi múmkin. Bul degenińiz – 22 myń adam turatyn jeti myń turǵyn úı. «Osyǵan baılanysty oblystyq Tótenshe jaǵdaılar departamenti jergilikti atqarýshy organdarmen birlesip, apattyń aldyn alýǵa baǵyttalǵan keshendi is-sharalardy qolǵa aldy. Qutqarýshylar men kom­mý­naldyq qyzmetter kúsheıtilgen jumys tártibine kóshti. Ishki ister mınıstrligine qarasty organdardyń 1 040 qyzmetkeri, 277 dana tehnıkasy, 184 motopompa men 50 sýda júzý quraly tótenshe jaǵdaıǵa saqadaı saı. О́skemen men Semeıde quramynda 130 adamy bar alty mobıldi top qurylyp, tıisti jumystar júrgizýde. Biz bıylǵy sý tasqyny mezgilin shartty úsh kezeńge bóldik. Oblys aýmaǵynda qar erý merzimi naýryzda bastalyp, maýsymnyń ortasyna deıin sozylady dep boljanýda. Ras, qar mólsheri jyldaǵydan sál artyq. Alaıda alańdaýdyń esh negizi joq. Jaǵdaı jiti baqylaýda. Barlyq organ óz mindetin oıdaǵydaı oryndaıtyn bolsa, qyzyl sý shyǵynǵa batyrmaıdy», dedi oblystyq Tótenshe jaǵdaılar departamenti bastyǵynyń orynbasary Dmıtrıı Tıtov.

Al oblystyq Jumyldyrý da­ıyn­dyǵy basqarmasynyń bas­shysy Eldos Chıkenov 2018 jy­ly oryn alǵan oqys jaǵdaı qaıtalanbaýy úshin Shúlbi­de qarǵyn sý jınalatyn rezer­výar-
lardyń kólemi aıtar­lyq­taı úlkeıtilgenin, qa­jet jaǵdaıda bul rezervýarlar 20 kún boıy sý qabyldaı alatynyn aıtty.

 

Shyǵys Qazaqstan oblysy

 

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Uqsas jańalyqtar