Aımaqtar • 27 Naýryz, 2020

Nur-Sultan qalasy boıynsha koronavırýs ınfeksııasynyń taralýyna jol bermeý jónindegi jedel shtab sheshimi

27 retkórsetildi

«Azamattyq qorǵaý týraly» 2014 jylǵy 11 sáýirdegi Qazaqstan Respýblıkasynyń Zańyna, «Qazaqstan Respýblıkasynda tótenshe jaǵdaıdy engizý týraly» Qazaqstan Respýblıkasy Prezıdentiniń 2020 jylǵy 15 naýryzdaǵy №285 Jarlyǵyna sáıkes azamattardyń ómiri men densaýlyǵyn qorǵaý,   koronavırýstyq ınfeksııanyń (COVID-19) taralýyna jol bermeý maqsatynda Nur-Sultan qalasynyń aýmaǵynda karantın jáne tótenshe jaǵdaıdyń qoldanylý kezeńinde Nur-Sultan qalasynda koronavırýstyq ınfeksııanyń anyqtalý jaǵdaılarynyń kóbeıýine baılanysty Nur-Sultan qalasy boıynsha koronavırýstyq ınfeksııanyń taralýyna jol bermeý jónindegi jedel shtab,  tótenshe jaǵdaıdy joıý basshysy bylaı dep ShEShTI:

2020 jylǵy 28 naýryzda saǵat 00.00 bastap:

  • Azyq-túlik, dári-dármekter satyp alý men jumysqa shyǵýdy qospaǵanda, azamattardyń turǵyn úıden shyǵýy shektelsin;
  • Halyqtyń jappaı jınalatyn oryndary (saıabaqtar, shaǵyn baqtar, jaıaý júretin kósheler, jaǵalaýlar, oıyn alańdary jáne t.b.) jabylsyn;
  • Qoǵamdyq kóliktiń jumysy kezeń-kezeńmen shektelsin;
  • Kóshelerde jáne ózge de qoǵamdyq jerlerde úsh adamnan artyq toptarmen (otbasy múshelerin qospaǵanda) jınalýǵa tyıym salynsyn;
  • Kámeletke tolmaǵandardy eresek adamdardyń erip júrýinsiz qozǵalýyna tyıym salynsyn.

Nur-Sultan qalasynyń Polısııa departamenti:

  • joǵaryda kórsetilgen talaptardy buzý ne oryndamaýdy anyqtaǵan jaǵdaıda tıisti ákimshilik sharalardy dereý qabyldasyn;
  • azamattardyń qoǵamdyq oryndarda, saıabaqtarda, shaǵyn baqtarda jáne t.s.s. bolýyna jol bermeý maqsatynda engizilgen shekteýlerdi saqtaý boıynsha patrýldeý uıymdastyrylsyn;
  • karantın aımaǵyn tolyq qorshaýdy, qalaǵa kirý múmkindigin boldyrmaýdy qamtamasyz etsin.
  • «Nur-Sultan qalasynyń Ishki saıasat basqarmasy» memlekettik mekemesi astana turǵyndary arasynda juqtyrý oshaqtaryn oqshaýlaýdy jáne onyń taralý qaýipterin meılinshe azaıtýdy qamtamasyz etýge arnalǵan shekteý jáne áleýmettik oqshaýlaý boıynsha qabyldanatyn sharalardy buqaralyq aqparat quraldarynda aqparattyq súıemeldeýdi, adam men azamattyń, qoǵam men memlekettiń qaýipsizdigin qamtamasyz etýge baǵyttalǵan sheshimderdiń mańyzdylyǵyn ashyp kórsetýdi júrgizsin.
  • Osy sheshimniń oryndalýyn baqylaýdy ózime qaldyramyn.
  • Osy sheshim oǵan qol qoıylǵan kúnnen bastap qoldanysqa engiziledi.  
Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar