Aımaqtar • 28 Naýryz, 2020

Kókshetaýda jasandy tynys alý apparattary shyǵarylady

49 ret kórsetildi

Oblys ortalyǵyndaǵy «Tynys» aksıonerlik qoǵamy búgingi kúni asa qajet bolyp otyrǵan ókpege jasandy tynys beretin apparatýralardy kóptep shyǵarýdy qolǵa aldy.

Osy zaýyttyń satý jáne ótkizý bóliminiń basshysy Aıbek Qabıevtiń aıtýyna qaraǵanda, «Kókshetaý-4» atalatyn apparattyń alǵashqy 17-i danasyn oblystyq densaýlyq saqtaý basqarmasy satyp alypty. Qazirgi kúni zaýytta osyndaı apparatýralardyń kelesi kezektegi 50-ge jýyǵy qurastyrylý ústinde.

Ázirge 300 dana apparatqa suranys túsken kórinedi. Sóz arasynda zaýyttyń aıyna otyzdan astam apparat shyǵarýǵa kúshi jetetindigin aıta ketýge bolar. Zaýyt basshylarynyń ýájine qaraǵanda, suranysqa oraı áli de óndiris qýatyn molaıtýǵa múmkindikteri bar. Erteńniń qamyn oılap, qosymsha jıyntyq bólshekterine tapsyrys berip qoıypty.

Kásiporyn táýligine jeti  myńǵa jýyq medısınalyq maska tigedi. Kúni búginge deıin 40 myńnan astam maska daıyndaǵan.

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar