Aımaqtar • 28 Naýryz, 2020

Qaraǵandy oblysynyń ákimi óńir turǵyndaryna úndeý jarııalady

420 retkórsetildi

Qaraǵandy oblysynyń ákimi Jeńis Qasymbek tikeleı efırge shyǵyp, óńir turǵyndaryna úndeý jarııalady. Aıta ketetin bir jaıt, oblys basshysynyń bul qadamyn Arqa jurty jyly qabyldady. Naqty derekterge súıengen júıeli hám jigerli sóz oblys turǵyndarynyń senimin kúsheıtip, alań kóńilderdegi úmit otyn úrledi.

О́ńir basshysy óz sózinde oblysta koronavırýs indetine qarsy kúrestiń qalaı júrgizilip jatqanyn jiliktep aıtyp berdi.

– Qaraǵandy oblysynda 540 medısına qyzmetkeri vahtalyq jumys rejımimen gospıtalderge aýystyryldy. Qorǵanys maskalary men dezınfeksııalaý quraldarynyń jergilikti óndirisi jolǵa qoıyldy. Biraq qazirgi jaǵdaıda medısınalyq maskalarmen  birinshi kezekte medısına jáne polısııa salasynyń qyzmetkerlerin, arnaıy qyzmet mamandaryn qamtamasyz etý kerek. Sondyqtan men bul jaǵdaıǵa túsinistikpen qaraýlaryńyzdy suraımyn.

Oblystyq bıýdjetten materıaldyq-tehnıkalyq jabdyqtaýǵa qarjy bólindi. Osyǵan deıin medısına qyzmetkerlerin jeke qorǵaný quraldarymen qamtamasyz etý úshin oblys ákimdiginiń rezervtik qory esebinen kostıýmder men maskalar satyp alynǵan bolatyn.

Aldaǵy ýaqytta 677 birlik medısınalyq tehnıka satylyp alynady. Sondaı-aq, jaqyn arada teplovızorlardyń jańa partııasynyń jetkizilýin kútip otyrmyz, – dedi Jeńis Qasymbek.

О́ńir basshysy koronavırýs juqtyryp, Qaraǵandyda emdelip jatqan tórt adamnyń Mınsk - Nur-Sultan reısimen 18 naýryzda ushyp kelgenin, sol sátten bastap olardyń karantınge alynǵanyn aıtyp ótti.

«Reıstiń basqa jolaýshylarynda koronavırýs belgileri anyqtalǵan joq.
Medısınalyq personal sanıtarlyq qaýipsizdiktiń barlyq sharalaryn jáne qajetti hattamany ustanýda», dep atap ótti ol.

Sondaı-aq, Jeńis Qasymbek 1A sanatyndaǵy elderden qazaqstandyqtardy qabyldap alýǵa qatysty keıbir azamattardyń qorqynyshtary men narazy pikirlerine de jaýap bere ketti.

– Qıyn jaǵdaıǵa tap bolǵan otandastarymyzǵa adamgershiligimizdi bildirýimiz asa mańyzdy. Biz barlyǵymyz bir eldiń azamattarymyz, bul ushaqtarmen ushyp kelgen jandar bizge bóten emes. Bizde naýqastardy qabyldaý, dıagnostıkalaý jáne oqshaýlaý úshin barlyq resýrstar bar, – dep atap ótti oblys ákimi.

Budan bólek, Jeńis Qasymbek oblystyń bas sanıtarlyq dárigeriniń 65 jastan asqan azamattardyń kóshelerde júrip-turýyn shekteý týraly sheshim qabyldaǵanyn jetkizdi.

– Atalǵan sanatqa enetin azamattarǵa azyq-túlik pen dári-dármekter jetkizilip turatyn bolady. 28 naýryzdan bastap erekshe ókim shyǵarylǵanǵa deıin alańy 2000 sharshy metrden asatyn barlyq saýda ortalyqtary jabylatyn bolady. Atalǵan nysandarda ornalasqan tamaq ónimderin, dárilik zattardy, medısınalyq maqsattaǵy buıymdardy satatyn oryndar ádettegi rejımde jumys isteıdi. Barlyq saýda nysandaryna taýarlar men qyzmetterdi satýdy onlaın-rejımge aýystyrý usynyldy. Ol úshin qaraǵandylyq IT-mamandar jeke onlaın-platforma ázirledi. Sondaı-aq, aýdanynyń kólemine qaramastan, azyq-túliktik emes saýda bazarlarynyń qyzmeti ýaqytsha toqtatylatyn bolady, – dedi Jeńis Qasymbek.

Oblys basshysy óńirde azyq-túlik jetkizý jaǵdaıynyń turaqty ekenin málimdedi. Oblystyq bıýdjetten turaqtandyrý qoryn áleýmettik mańyzy bar azyq-túlik taýarlarymen tolyqtyrý úshin qosymsha 1 mlrd teńge bólinipti. Iаǵnı, azyq-túlik tapshylyǵyna jol berilmeıdi.

Sonymen qatar, óńir basshysy tótenshe jaǵdaıdaǵy oqshaýlaný tártibine qaramastan, keıbir adamdardyń azamattardyń densaýlyǵy men qaýipsizdigine qaýip tóndire otyryp, shekteý sharalaryn sanaly túrde saqtamaı júrgenine qynjylys bildirdi. Máselen, ol azyq-túlik dúkenderinde sanıtarlyq normalardy buzý, jaldamaly úı-jaılarda jasyryn jappaı is-sharalardy ótkizý faktileriniń  anyqtalǵanyn mysalǵa keltirdi.

Oblys ákimi qazirgi ýaqytta Nur-Sultan qalasyna zańsyz jolmen jolaýshylar tasymaldap júrgen avtokólik ıelerimen polısııanyń jumys júrgizip jatqanyn habarlady.

– Tótenshe jaǵdaı tártibin buzýshylar zańnyń barlyq talaptary boıynsha jaýapqa tartylatynyn eskertemin. Bul rette eshqandaı jeńildikter jasalmaıdy, – dep shegelep aıtty ol.

Sóziniń sońynda óńir basshysy oblys turǵyndaryn sanıtarııalyq qaýipsizdiktiń barlyq sharalaryn saqtap, múmkindiginshe úıde otyrýǵa shaqyrdy. «Bizdiń ortaq maqsatymyz – ınfeksııanyń taralýyna jol bermeı, úırenshikti turmys saltyna jyldam oralý»,  dep túıindedi óziniń turǵyndarǵa arnalǵan úndeýin Jeńis Qasymbek.

Qaraǵandy oblysy

Sońǵy jańalyqtar

Úndistanda 47 gradýs ystyq boldy

Álem • Búgin, 09:37

80 jyldan keıin ıesin tapqan hat

Rýhanııat • Búgin, 09:22

Taldyqorǵanda úshem dúnıege keldi

Aımaqtar • Búgin, 09:06

Munaı-gaz sektorynyń syn saǵaty

Ekonomıka • Búgin, 07:22

Qomaqty qarjy bólinedi

Pikir • Búgin, 07:20

Mal baqqanǵa bitedi

Aımaqtar • Búgin, 07:10

Jatyr moıny obyrynyń aldyn alady

Medısına • Búgin, 06:57

Zulmat zardaby

Tarıh • Búgin, 06:54

Qala damýyna qarqyn beredi

Ekonomıka • Búgin, 06:46

Dala danyshpany

Abaı • Búgin, 06:43

Turar Rysqulov tálim alǵan mektep

Tarıh • Búgin, 06:38

Halyq únemdeýge kóshti

Ekonomıka • Búgin, 06:35

Indetti tártip jeńedi

Koronavırýs • Búgin, 06:31

Uly náýbet: qasireti men taǵylymy

Tarıh • Búgin, 06:30

Tyńaıtqysh topyraqty qunarlandyra ma?

Ekologııa • Búgin, 06:27

Abaı murasy Bishkekte talqylandy

Rýhanııat • Keshe

Uqsas jańalyqtar