Koronavırýs • 29 Naýryz, 2020

TJ kezinde MÁSQ-ten tólem alatyn azamattardyń tizimi keńeıtildi

416 retkórsetildi

Eńbek jáne halyqty áleýmettik qorǵaý mınıstrligi tótenshe jaǵdaı kezinde tabysynan aıyrylýyna baılanysty Memlekettik áleýmettik saqtandyrý qorynan (MÁSQ) jańa áleýmettik tólem taǵaıyndalatyn azamattardyń tizimin keńeıtti jáne ony taǵaıyndaý sharttaryn jeńildetti.

1. Tólem alýshylar sheńberi keńeıtildi.

Bastapqyda bir adamǵa aıyna 42,5 myń teńgeni (eń tómengi jalaqy) quraıtyn áleýmettik tólem azamattardyń myna sanattaryna tólenýi kerek edi:

  • orta, shaǵyn jáne mıkrobıznes sýbektileriniń qyzmetkerleri;
  • jeke kásipkerler (JK);
  • jeke praktıkamen aınalysatyn adamdar (notarıýs, jeke sot oryndaýshysy, advokat, kásibı medıator) (JP);
  • biryńǵaı jıyntyq tólemdi tóleýshiler (BJT).

Endi olarǵa:

  • nysanasy jumystardy oryndaý (qyzmetter kórsetý) bolyp tabylatyn  azamattyq-quqyqtyq sıpattaǵy sharttar boıynsha tabys tabatyn adamdar (AQS), ózderi úshin salyq agentteri mindetti zeınetaqy jarnalaryn aýdarǵan jeke tulǵalar kiredi.
  • karantın engizilgen eldi mekenderdegi iri bıznes sýbektileriniń qyzmetkerleri.

2. Tótenshe jaǵdaıǵa baılanysty tabysty joǵaltý faktisin rastaıtyn qujattardy usyný qajettiligi joıyldy.

Buryn áleýmettik tólemder týraly ótinishti jumys berýshiler óz qyzmetkerleri úshin, JK, JP jáne BJT tóleýshiler – ózderi bere alatyn. Sonymen birge, jumys berýshiler tótenshe jaǵdaı kezinde qyzmetti shekteýge baılanysty óz qyzmetkerleriniń tabysyn joǵaltýyn rastaıtyn qujattardy, qyzmetkerlerdiń tizimin jáne qyzmetkerlerge jalaqysy saqtalmaıtyn eńbek demalysyn berý týraly buıryqtan úzindi kóshirmeni usynýy kerek edi.

Endi tótenshe jaǵdaı saldarynan kiristi joǵaltý faktisin rastaıtyn qujattardy usynýǵa qoıylatyn talaptar alynyp tastaldy.

Áleýmettik tólemderdi taǵaıyndaý úshin:

  • jumys berýshiler ótinishti tek qyzmetkerlerdiń tizimin qosa bere alady;
  • JK, JP, AQS jáne BJT tóleýshiler jeke derekterdi kórsete otyryp, tek ótinish beredi.

Sondaı-aq, qyzmetker jumys berýshini kútpeı-aq ótinishti ózi bere alady.

Sonymen birge barlyq ótinish berýshiler tótenshe jaǵdaıdyń engizilýine baılanysty kiristerdi joǵaltý faktisiniń durystyǵy úshin ózine jaýapkershilik alady.

О́tinish «Elektrondyq úkimet» veb-portalynda «Elektrondyq ótinish» servısi arqyly elektrondyq formatta beriledi.

3.   Tólem taǵaıyndaý úshin áleýmettik saqtandyrý júıesine qajetti qatysý merzimi qysqartyldy.

Buryn tólem taǵaıyndaý úshin áleýmettik saqtandyrý júıesinde sońǵy 12 aı ishinde kem degende 3 aı qatysý talap etiletin.

Endi qyzmetkerdiń (JK jáne JP derbes) memlekettik áleýmettik saqtandyrý qoryna (AQS úshin – BJZQ-ǵa jarnalar) sońǵy 12 aıda keminde 1 ret áleýmettik aýdarymdar jasaýy, áleýmettik tólem taǵaıyndaý úshin jetkilikti bolady.

MÁSQ-ten áleýmettik tólemdi taǵaıyndaýǵa úmitker azamattarǵa áleýmettik aýdarymdar nemese zeınetaqy jarnalarynyń bar-joǵyn dáleldeýdiń qajeti joq, buny avtomatty túrde «Azamattarǵa arnalǵan úkimet» memlekettik korporasııasy» KEAQ tekseredi.

4. О́tinimderdi qaraý jáne áleýmettik tólemdi taǵaıyndaý merzimi 7-den 3 jumys kúnine deıin qysqartyldy. 

Sońǵy jańalyqtar

Covid-19: Taǵy 3 adam kóz jumdy

Koronavırýs • Keshe

Covid-19: 184 adam jazylyp shyqty

Koronavırýs • Keshe

Núkte fılosofııasy

Rýhanııat • Keshe

Qazalyda 42 joba júzege asady

Aımaqtar • Keshe

Uqsas jańalyqtar