Aımaqtar • 29 Naýryz, 2020

Pavlodar oblysynda 14 aýyldy ınternetke qosýǵa múmkindik joq

77 retkórsetildi

Oblystyq Jolaýshylar kóligi jáne avtomobıl joldary basqarmasynyń málimetinshe, óńirdegi 358 aýyl jergilikti sıfrlyq telefon baılanysymen qamtylǵan.

Al ınternet jelisi 344 aýyldyq aýmaqqa tartylǵan. Biraq, 14 aýylda turǵyndar sany az, tıisti tehnologııa boıynsha arnaıy jeliler tartylmaǵan.

Memleket basshysy Qasym-Jomart Toqaev uıaly baılanys pen ınternetke,  áleýmettik jeliler men messendjerlerge qoljetimdilikti arttyrýdy tapsyrdy. Tótenshe jaǵdaı kezinde turǵyndardyń qaryzyna qaramastan, baılanys qyzmetin úzbeý kerektigin aıtty.

Sondyqtan, oblys ákimdigi «Qazaqtelekom» AQ, «Transtelekom» AQ-qa hattar joldap, endi ǵana osy aýyldarǵa ınternet jelisin jetkizýdiń múmkindigin qarastyrýda.

Jalpy, «Sıfrlyq Qazaqstan» memlekettik baǵdarlamasyn júzege asyrý aıasynda oblysta aýyldardy keń jolaqty ınternet jelisimen qamtamasyz etý jobasy júrgizilgen.

Biraq, bul jumystyń nátıjesi boıynsha Pavlodar, Ekibastuz, Aqsý qalalary men qalalarǵa, aýdan ortalyqtaryna jaqyn ornalasqan aýyldar ǵana joǵary jyldamdyqty jelini qoldana alady.

Bıyl «Qazaqtelekom» AQ 10, al «Transtelekom» AQ taǵy 2 aýyldy joǵary jyldamdyqty ınternet jelisine qosýdy josparlaýda.

Qalǵan aýyldarda spýtnıktik tehnologııalardy qoldaný múmkindigi qarastyrylmaq.

Al «Qazaqtelekom» AQ Shyǵys óńirlik bólimshesi de Tótenshe jaǵdaı kezinde óńirdegi abonentterdi qoldap, qyzmet kórsetý aqysy boıynsha qaryzy bar turǵyndardy baılanystan ajyratpaý jóninde sheshim qabyldady.

 

PAVLODAR

Sońǵy jańalyqtar

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Karantınde tıgizgen kómek umytylmaıdy

Aımaqtar • 23 Mamyr, 2020

Uqsas jańalyqtar