Bıznes • 30 Naýryz, 2020

Ulttyq kompanııalarǵa 2019 jylǵy taza tabystyń 100%-y mólsherinde dıvıdendter tóleý mindetteldi

15 retkórsetildi

Úkimettiń 27 naýryzdaǵy qaýlysyna sáıkes, memlekettik organdar aksıonerlerdiń jyldyq jalpy jınalysyn ótkizgen kezde syıaqyny tóleýge taza kiristiń bir bóligin bólý boıynsha sharalar qabyldaýy kerek. Qujatta 2019 jyldyń aıaǵyndaǵy taza kiris mólsheriniń 100%-y kórsetilgen. Atalǵan buıryq «Samuryq-Qazyna» memlekettik qoryna qatysty.

«Memlekettik organdar aksıonerlerdiń jyldyq jalpy jınalysynda 2020 jáne odan keıingi jyldardyń qorytyndylary boıynsha aksıonerlik qoǵamnyń (JShS)  taza kiris somasynyń keminde 70% mólsherinde dıvıdendter tóleýge jáne ýaqtyly aýdarýǵa baǵyttaý sharalaryn qabyldaýy kerek», - dep sheshim qabyldandy.

Buǵan deıin biz  prezıdent  Qasym-Jomart Toqaev kvazı-kompanııalardyń sheteldik valıýtadaǵy depozıtterin Qazaqstannyń qarjy júıesine kezeń-kezeńimen qaıtarýdyń kestesin qurýdy tapsyrǵanyn jazǵanbyz.

Kvazı-kompanııalardyń sheteldik valıýtadaǵy depozıtterin Qazaqstannyń qarjy júıesine kezeń-kezeńimen qaıtarýdyń kestesi quryldy. 

Eske salsaq, 16 naýryzda Ulttyq Bank tepe-teńdik stavkasyn qalyptastyrýǵa óz úlesin qosýǵa nıetti ekenin málimdedi. Basqasha aıtqanda, ol ulttyq valıýtany qoldaýdy toqtatty. Sodan keıin Ulttyq bank  bul sheshimdi «aıyrbastaý baǵamyn burynǵy deńgeıde ustap turý jáne eldiń valıýtalyq rezervteriniń edáýir tómendeýine, dollarlanýǵa, ótimdilik daǵdarysyna jáne ekonomıkadaǵy jaǵdaıdyń odan saıyn nasharlaýyna ákeledi» dep túsindirdi.

Uqsas jańalyqtar