Aımaqtar • 30 Naýryz, 2020

Aqtóbede halyq qaýipsizdigin qamtamasyz etý sharalary belgilendi

250 retkórsetildi

Aqtóbe oblysy men onymen kórshiles Atyraý, Batys Qazaqstan, Mańǵystaý jáne Qyzylorda oblystarynda koronavırýs ınfeksııasy taralyp otyr. Soǵan baılanysty Aqtóbe oblysynyń Bas Memlekettik sanıtarlyq dárigeri Nursulý Berkimbaeva pandemııanyń keńinen taralý qaýpiniń aldyn alý úshin arnaıy Qaýly shyǵardy. Munda tutastaı óńir men Aqtóbe qalasy aýmaǵynda halyq qaýipsizdigin qamtamasyz etý jónindegi mindetter jan-jaqty qamtylǵan.

Soǵan sáıkes 2020 jyldyń 31 naýryz kúngi saǵat 00.00 den 2020 jylǵy 15 sáýir kúngi saǵat 07.00 ge deıin aýqymdy is-sharalar kesheni júzege asyrylmaq. Osy ýaqyt aralyǵynda tamaq ónimderi men dári-dármekter jáne medısınalyq buıymdar tasıtyn kólikterden ózge qozǵalys quraldarynyń barlyq túrlerine oblys aýmaǵynda júrýge tıym salynady. Arnaıy materıaldar tasıtyn avtomobılder dezınfeksııalyq tosqaýyldarmen qamtamasyz etiledi. Úkimettik, júktik tranzıttik reıster men temir jol baılanystary shekteýli merzim kezinde júrgizilmeıdi.

Sondaı-aq bul kezde barlyq memlekettik jáne jekemenshik balabaqshalar, iri saýda ortalyqtary, barlyq áleýmettik-turmystyq nysandar jumysyn toqtatady. Al qyzmet jasaıtyn eń qajetti degen nysandardyń jumys kestesine shekteý qoıylady. Buǵan qosa Bas Memlekettik sanıtarlyq dárigerdiń Qaýlysyna sáıkes óńirde zalalsyzdandyrý tártibi men rejımi kúsheıtiledi. Onyń basty joldarynyń biri –kóp beıindi antıseptıkalyq qural-jabdyqtarmen qamtamasyz etý bolyp otyr. Qoǵamdyq tamaqtandyrý oryndaryna qoıylatyn sanıtarlyq talaptar da kúsheıtiledi.

Buǵan qosa qabyldanǵan qujatta Aqtóbe aımaǵy turǵyndarynyń belgilengen saqtandyrý sharalaryn muqııat oryndaýy qajettigi kórsetilgen. Karantındik rejımniń oryndalýyn baqylaý maqsatynda kósheler men iri eldi-mekenderde patrýldik tártip engizilmek. Covid-19 oshaqtary tirkelgen jaǵdaıda qala aýmaǵy men turǵyn úı aýmaqtaryn oqshaýlaý men qorǵaý sharalary jasalmaq. Tutastaı alǵanda oblys pen Aqtóbe qalasynyń karantındik aımaǵy tolyqtaı qorshalmaq.

Koronavırýs ınfeksııasynyń taralýy Aqtóbe oblystyq densaýlyq saqtaý salasynyń ókilderine de jańa mindetter júkteýde. Onyń basty tarmaǵy sanıtarlyq-dezınfeksııalyq jaǵdaı men epıdemııaǵa qarsy rejımdi kúsheıtýden tamyr tartady. Covid-19 juqtarǵan naýqastar men olarmen qarym-qatynasta bolǵan adamdar ınfeksııalyq stasıonarǵa jatqyzylyp, dereý oqshaýlanbaq. Indet belgileri baıqalǵan adamdardy erte anyqtaý úshin aýlalardy aralaý belgilengen. Sanıtarlyq lok-beketterde temperatýrany ólsheý isi muqııat ári tolyq júrgizilip, bul sátte medısına qyzmetkerleriniń qorǵanys deńgeıin qamtamasyz etý qarastyrylǵan.

-Teatr kıim ilgishten bastalsa, koronavırýs ınfeksııasynan saqtaný – turǵyndar arasyndaǵy túsindirý jumystarynan bastalady. Bul rette jergilikti atqarýshy organdar men barlyq múddeli uıymdar ókilderi BAQ-pen áleýmettik jelilerde onlaın rejıminde ótkiziletin brıfıngterde syndarly bolýyna belgilengen talaptardy tııanaqty ári túsinikti túrde aıtýyna basa nazar aýdarǵandary jón. Bizdiń qazirgi basty maqsatymyz aýmaqtyq jáne jergilikti memlekettik organdarmen birlesip osy Qaýlynyń júzege asýyn qamtamasyz etý. Al onyń oryndalýyn baqylaý jónindegi jaýapkershilikti ózime qaldyramyn deıdi Aqtóbe oblysynyń Bas Memlekettik sanıtarlyq dárigeri Nursulý Berkimbaeva.

Biz osy túıinmen materıalymyzdyń núktesin qoıǵandy jón kóremiz.

Sońǵy jańalyqtar

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar