Koronavırýs • 31 Naýryz, 2020

Álemdegi ahýalǵa sholý: Vırýs juqtyrǵandar 800 myńnan asty

246 retkórsetildi

Bul toptamada álemniń 178 elinde taraǵan Covid-19 vırýsyna qatysty sońǵy jańalyqtardy jarııalap otyramyz.

31 naýryzda Johns Hopkins University (JHU) usynǵan málimet boıynsha vırýs juqtyrǵandar sany - 801 400, ólim sany - 38 743, aıyqqandar sany - 172 657 adam boldy (jańartylǵan ýaqyty 18:30).

18:27

Dúnıejúzi boıynsha vırýs juqtyrǵandar 800 myńnan asty

Johns Hopkins University (JHU) usynǵan málimetke sensek, dúnıejúzi boıynsha 801 400 adam koronavırýs juqtyrǵan, onyń 38 743-i qaıtys bolǵan. Al 172 657 naýqas indetti jeńip, úıine oralǵan.

Vırýs eń kóp taraǵan elder:

⚡ AQSh - 164 610 jaǵdaı

⚡  Italııa - 101 739 jaǵdaı

⚡  Ispanııa - 94 417 jaǵdaı

⚡  Qytaı - 82 276 jaǵdaı

⚡  Germanııa - 67 051 jaǵdaı

a


17:10

Reseıde jetinshi kún qatarynan naýqastar sany ósip keledi

Reseıde koronavırýs juqtyrǵan adamdar sany 2 337-ge jetti. Búgin jańa 500 naýqas anyqtalǵan.

Jalpy kórshiles elde indet juqtyrǵandar sany bir aptadan beri ósip keledi. Búgingi 500 jaǵdaı - eń joǵarǵy kórsetkish.    

121 adam aıyǵyp úıine qaıtsa, 18 adam ınfeksııadan qaıtys bolǵan. 

a


16:26

Ispanııada vırýs juqtyrǵandar men ólim sany Qytaıdan asyp ketti

Dúısenbi men seısenbi aralyǵynda Ispanııada bir kúndik eń kóp ólim sany tirkeldi. Vırýstan keshe elde 849 adam kóz jumdy. 

Ispanııada barlyǵy 87 956 naýqas tirkelgen, bul koronavırýstyń epısentri Qytaıdaǵy kórsetkishten 5 myń jaǵdaıǵa kóp. 

Indetten qaıtys bolǵandar sany da Qytaıdan eki ese kóp. Ispanııada 7 716 naýqas Covid-19 vırýsynan kóz jumdy.

Osylaısha, ol álemde vırýs kóp taraǵan AQSh pen Italııadan keıingi úshinshi memleketke aınaldy.

v    


15:27

Qyrǵyzstanda vırýs juqtyrǵandar sany 100-den asty

Búgin elde vırýs juqtyrýdyń jańa 13 deregi tirkeldi, qazir Qyrǵyzstanda barlyǵy 107 adam indet juqtyrǵan. Onyń ishinde Bishkek qalasynda - 1, Naryn oblysynda – 3, Ystyqkól oblysynda - 2, Shý qalasynda – 1, Osh qalasynda – 5, Jalalabad oblysynda – 1 jaǵdaı tirkeldi.

Naýqarstardyń 49-y er jáne 58-i áıel. 15 jasqa deıingi 11 azamat vırýs juqtyrǵan, onyń ekeýi bir jasqa tolmaǵan sábı. 31 egde jastaǵy naýqas bar.

25 naýryzdan 15 sáýirge deıin Bishkek, Osh, Jalal-Abad qalalarynda, Osh oblysynyń Nookat, Kara-Sýı aýdandarynyń aýmaǵynda jáne Jalal-Abad oblysynyń Sozaq aýdanynda tótenshe jaǵdaı rejımi jarııalanǵan.


12:34

Ýhanda 1 apta boıy jańa naýqas tirkelmegen

Koronavırýstyń epısentrine aınalǵan Qytaıdyń Ýhan qalasynda búgin vırýs juqtyrǵan naýqastyń tirkelmegenine 1 apta boldy.

Eki aı boıy karantınde bolǵan qala turǵyndary jaılap qalypty ómirine oralyp jatyr.

Qaladaǵy karantın tolyǵymen 8 sáýir kúni aıaqtalady. Karantın kezinde Ýhan qalasy men aınalasyndaǵy óńirlerde 56 mln adam úıinde otyrdy.

Kesheden bastap qaladaǵy keıbir bıznes jáne saýda ortalyqtary qaıta ashyla bastady. Degenmen turǵyndar syrtqa shyǵýǵa áli de qorqyp otyr. Qoǵamdyq kólikter de qaıta jumys isteı bastady. 

Qytaı keshe vırýs juqtyrýdyń 48 deregi tirkelgenin habarlady, barlyǵy shetelden kelgen turǵyndardan tabylǵan. Odan bólek Hýbeı provınsııasynda bir naýqas qaıtys bolǵan.  

v

Sýret: Reuters


11:27

Qazaqstanǵa kórshiles elderdegi jaǵdaı qandaı?

⚡ Qyrǵyzstan - 94 jaǵdaı, qaıtys bolǵandar joq, 3 adam aıyqqan

⚡ О́zbekstan - 150 jaǵdaı, 2 adam qaıtys boldy, 7 naýqas aıyqty

⚡ Reseı - 1 836 jaǵdaı, 9 adam qaıtys boldy, 66 naýqas aıyqty

⚡ Qytaı - 82 240 jaǵdaı, 3 309 adam qaıtys boldy, 76 194 naýqas aıyqty (vırýs oshaǵy)

⚡ Túrkmenstanda resmı vırýs juqtyrǵandar tirkelgen joq. 


10:40

AQSh-ta vırýstan qaıtys bolǵandar sany 3 myńnan asty

Johns Hopkins University málimetine sáıkes, AQSh-ta 3 164 adam koronavırýstan kóz jumǵan.

AQSh-ta koronavırýstan qaıtys bolǵandar sany 11 qyrkúıektegi lańkestik shabýyldardyń qurbandar sanynan asyp tústi. 2001 jyly Dúnıejúzilik saýda ortalyǵy men Pentagonǵa shabýyl kezinde 2977 adam qaza tapty.

Elde qaza bolǵan naýqastardyń kópshiligi  Nıý-Iork shtatynyń turǵyndary, óńirde 1200 ólim tirkeldi.

d


10:17

Álemde 785 979 adam koronavırýs juqtyrdy

s

 

10:12

Álemdegi jaǵdaı qysqasha:

• Izraıl Premer-mınıstri Bınıamın Netanıahý kómekshisi vırýs juqtyrdy

• Tokıo olımpıadasy kelesi jyly 23 shilde men 8 tamyz aralyǵynda ótetin boldy. 

• Djek Manyń qaıyrymdylyq qory Qazaqstanǵa gýmanıtarlyq kómek kórsetedi

• Gonkongta 31 jastaǵy er adam úı karantınin buzǵany úshin 3 aıǵa túrmege jabyldy.   

• Eýropa elderi men AQSh vırýs kóp taralǵan aımaqtarǵa aınaldy

• Iordanııadan Sıdneıge oralǵan Aýstralııa azamaty 14 kúndik karantındi buzǵany úshin qamaýǵa alynǵan.

Sońǵy jańalyqtar

Jitiqaraǵa jańa reanımobıl berildi

Aımaqtar • Búgin, 19:25

Pavlodarda ekobazar ashyldy

Aımaqtar • Búgin, 17:09

Almatyda keıbir kósheler jabylady. Nege?

Aımaqtar • Búgin, 15:50

Jol qurylysyna monıtorıng júrgizilýde

Aımaqtar • Búgin, 14:45

Uqsas jańalyqtar