Aımaqtar • 31 Naýryz, 2020

Shymkentte tótenshe jaǵdaı rejımin buzǵandar qamaldy

319 ret kórsetildi

El Prezıdentiniń 2020 jylǵy 15 naýryzdaǵy Jarlyǵymen elimizde bir aıǵa tótenshe jaǵdaı engizilgeni belgili. Alaıda, 16-27 naýryz aralyǵynda Shymkentte tótenshe jaǵdaıǵa baılanysty keıbir shekteýlerdi buzǵany úshin, Shymkent qalasynyń mamandandyrylǵan ákimshilik sotynda Qazaqstan Respýblıkasynyń ÁQBtK-niń 476-babymen 22 adamǵa qatysty ákimshilik is qaralǵan. Bul týraly Shymkent qalalyq sotynyń baspasóz hatshysy Qabyl Dúısenbı aıtyp berdi. 

- Tártip buzǵandardyń ishinde 18 adamdy ákimshilik jaýapkershilikke tartý týraly qaýly qabyldanyp, al 3 ákimshilik is boıynsha jeke tulǵalardyń sot otyrysyna belgisiz sebeptermen kelmeýine baılanysty, olardy sotqa kúshtep ákelý týraly uıǵarym shyǵarylǵan. Sondaı-aq, osy Jarlyqta kórsetilgen mindetti sanıtarlyq-epıdemııalyq talaptardy saqtamaı, keıbir meıramhanalar men monshalardyń jáne oıynhanalardyń jumys isteýine jol bergen 13 adamdy qamaýǵa alý týraly sotta qaýly qabyldanyp, 5 adamǵa qatysty 10 aılyq eseptik kórsetkish mólsherinde aıyppul salyndy. Al áreketinde ákimshilik quqyq buzýshylyqtyń bolmaýyna baılanysty 1 adam jaýapkershilikten bosatylǵan, - deıdi resmı ókil Qabyl Dúısenbı.

Aldaǵy ýaqytta osyndaı ákimshilik quqyq buzýshylyqty boldyrmaý maqsatynda, qalalyq sot ákimshiligi jergilikti turǵyndar men kásipkerlerdi tótenshe jaǵdaı rejımin saqtaýǵa jáne ony oryndaýǵa shaqyrady.

Sońǵy jańalyqtar

Saılaý aldyndaǵy dúrbeleń

Álem • Búgin, 06:54

Germanııanyń ustanymy ózgere me?

Álem • Búgin, 06:52

Ury alysqa uzamady

Aımaqtar • Keshe

Uqsas jańalyqtar