Qazaqstan • 31 Naýryz, 2020

Qazaqstan Alibaba jáne Wildberries-dan 50 akkaýnt satyp aldy

27 retkórsetildi

«Qazaqstandyq taýar ótpeı me, álde tutynýshysyna jetpeı me?» degen kúmán bar edi kóp kóńilinde. Endi bul qaýip seıildi. О́tken  jyldyń sońynda Saýda jáne ıntegrasııa mınıstrligi Alibaba jáne Wildberries  sııaqty ınternet saıttardan 50 akkaýnt satyp alǵanyn aıtqan bolatyn.

Keshe onlaın júıesi boıynsha bas qosqan Qazaqstandaǵy elektrondy saýda segmenti ókilderi bul jańalyq álemdik elektrondy saýda jelisimen ıntegrasııalanýǵa múmkindik beretinin aıtty. Sebebi mıllıardtaǵan tutynýshysy jáne álemniń kez-kelgen elinde akkaýnt–terezesi bar Alibaba men  Wildberrie qazaqstandyq taýarlar úshin kópir mindetin atqarmaq. 

Qazaqstandyq taýar óndirýshiler endi osy múmkindiktiń jalyna jarmasyp, álemdik naryqqa shyǵýǵa áreket etip jatyr. Eptileri elektrondy saýda jelilerin ashyp, naryqtan erterek oryn alýǵa jantalasyp jatyr.  

Qazaqstandaǵy eń úlken toqyma óndirýshisi jáne IKEA jetkizýshisi,    AGG-Group JShS dırektory Gaýhar Nasyrova  bizben áńgimesinde bunyń qazaqstandyq taýar óndirýshiler úshin úlken múmkindik ekenin aıtady. Sebebi osyǵan deıin jan-jaqtaǵy elder túgili Almaty men Nur-Sultandaǵy saýda úıinen oryn alýdyń ózi muń bolatyn.  G.   Nasyrova qazaqstandyq taýarlardy elektrondy saýda jelileri boıynsha ashyq naryqqa shyǵarý memlekettik deńgeıde qarastyrylýy kerektigin tilge tıek etip ótti. Eger, alǵashqy jylda memlekettik deńgeıde qoldaý bolmasa baǵa jaǵynan túrik nemese qytaı taýarlarymen básekege túsý qıyn.

«Internettegi saýda jelileri sán álemi ındýstrııasynyń damýy úshin jaqsy múmkindik. Sebebi olarǵa naryqtan oryn tabý qıyn emes» deıdi Gaýhar Nasyrova.

G. Nasyrovanyń túsindirýinshe,  qazaqstandyq ónimderdi saýdalaıtyn agentterge  MEGA, Dostyk nemese  Shymkent Plaza saýda úılerinde turý úshin 1 jyldyq tabysynyń teń jartysyn jumsaýǵa  týra keledi eken. 

Naryqta tutynýshynyń talǵamy ǵana sońǵy núkteni qoıady. Al bizdiń tigin sehtarynda daıyndalǵan kıimderimiz tutynýshynyń talǵamyna saı kele me degen suraqqa «ARCADA» kompanııasynyń kommersııalyq dırektory Elza Rozental otandyq kıim ındýstrııasynda kúndelikti turmysqa qajetti aıaq kıimniń, kıim-keshektiń úlesi óte az ekenin aıtady. Qazaqstandyq taýarlar saýda úılerindegi V, S-V kategorııalary aýdıtorııasynyń talabyna sáıkes kelmeıdi eken.

Elza Rozentaldiń sózinen uqqanymyz bizdiń taýar óndirýshilerdegi ortaq kemshilik menedjmenttik biliktilik jetispeıdi. Qazaq naryǵyndaǵy suranysy joǵary kıimderdi usynatyn túrik kompanııalardaǵy dızaınerler aýdıtorııanyń jas erekshelegine qaraı suryptalyp otyrady. Ár toqsan saıyn monıtorıng júrgizilip, soǵan sáıkes kıim úlgileri de ózgertilip otyrady. «Ishki naryq  16 men 32, 32-45, 45-58 jáne 58 jastan joǵary jastaǵy aýdıtorııanyń talǵamyna saı beıimdelgen. Naryqty alǵa jyljytýshy jas 16 men 32 jáne 32 men 45 jas pen 58 jas aralyǵyndaǵy aýdıtorııanyń talǵamyn dóp basý óte qıyn. Ishki naryqta solardyń tilin tapqandardyń joly bolady» deıdi  Elza Rozental.

Elza Rozental osy tusta mamandar, eldegi kıim-keshek ındýstrııasy kúndelikti emes, sán ındýstrııasyna baǵyttalǵanyn aıtady. Osy baǵytta jumys istep júrgen kompanııalar bizde jetedi. Olardyń aldy shetelde ótetin baıqaýlarda júlde alyp ta úlgirdi. Biraq olardyń qolynan shyqqan kıimder elıtalyq dúkenderde hend-meıd retinde eksklıýzıv retinde satylady eken. Rozental hanymnyń aıtýynsha, olardyń baǵasy eýropalyq brendterdiń lıýks klasyndaǵy kıimderdiń baǵasymen birdeı. Sondyqtan olar jalpyǵa birdeı qoljetimdi emes. «Elektrondy saýda jelileriniń múmkindikteri kóp. Árkim qalaǵanyna tapsyrys beredi. Biraq bizdiń taýarlar qytaı nemese túrik taýralarymen ashyq básekege tótep bere almaıdy. Sol sebepti memlekettiń qoldaý kerek » dep sózin túıindedi Elza Rozental.

Otandyq jeńil ónerkásip úshin elektrondy saýda agregatory róline úmitkerlerdiń biri - BMC Sales fılıalynyń satý jelisi. Platformany birneshe jyl buryn Bench Mark Consulting JShS jasaǵan. Bul seriktestik dırektory Asker Basheev eldiń jeńil ónerkásiptiń barlyq ókilderi óz saıttarynda jumys isteı alatyndyǵyn aıtady.

«Elektrondy  platformany nólden damytý úlken qarjylyq salymdar men ýaqytty qajet etedi, biraq bizde daıyn otandyq sıfrlyq platforma bar. Al Qazaqstannyń  Alibaba jáne Wildberries-dan 50 akkaýnt elektrondy saýda segmenti úshin úlken múmkindik»  deıdi  Asker Basheev.

Fýnksıonaldylyǵy men qolaılylyǵy jaǵynan BMC satylymdary Alibaba men Wildberries-den áli de alys, biraq kompanııa elektrondyq kommersııa arqyly satylymdardy keńeıtýde naqty tájirıbege ıe.

Basheevtiń aıtýynsha, platformanyń bes jyl ishinde  BMC jelisi shaǵyn býtıkten bastap, eldegi balalar men mektep kıimderin negizgi jetkizýshige deıin ósipti. Úsh jyl buryn BMC ımportty almastyrý baǵdarlamasy aıasynda óndiristi keńeıtip, balalar men mektep kıimderine arnalǵan tigin fabrıkasyn ashypty. «Taýar qunyn tómendetetin faktor – onyń sany.  Lınııadan shyǵatyn taýar sany artqan saıyn baǵa da tómendeıdi.  Biz osy kúnge deıin 1 taýar túrin 2000 danadan asyrmaıtynbyz. Sondyqtan onyń baǵasyn tómendetýge múmkindik bolmady. Endi álemdegi deńgeıdegi platformanyń saýda akkkaýnttary álemdik naryqqa jol ashty. Endi sol naryqtan biz de oryn alýǵa tyrysamyz» deıdi  Asker Basheev.

Marıno Madı brendiniń negizin qalaýshy, óziniń brend kıimderin Fransııa men Italııa bazarlarynda satatyn Madıno Sypataeva  jýrnalısterment kezdesken kezde   Alibaba saıtyna memlekettik qoldaýsyz kirgenin aıtypty.  Qazaqstandyq dızaınerdiń ónimi Eýropada, Qytaıda suranysqa ıe.
«Qazir biz Dımash Qudaıbergenmen, áıgili sportshylarymyzben yntymaqtastyq ornatýǵa tyrysyp jatyrmyz – bul   Qazaqstannyń taýarlarynyń álemdik naryqqa shyǵýyna, tanylýyna jol ashady. Bul úshin sán ındýstrııasy ne deıdi dep bas qatyrýdyń qajeti joq. Tek sapasy joǵary matalar bolsa boldy. Odan keıingi sharýany  naryqtyń talǵamy retteıdi» deıdi Madıno Sypataeva . 

Sarapshylardyń 2020 jylǵy  elektrondy  kommersııa naryǵyna jasap otyrǵan boljamy jaǵymdy: Boljam 2019 jylǵy ósimniń saqtalatynyn aıtyp otyr. Qazirgi úıdiń terezesinen dalaǵa telmirtken tótenshe jaǵdaılar kezinde elektrondy saýdanyń jumysy jaqsy júrip jatyr.     

«Emarketer» saraptama jasaıtyn agenttik 2019  jyldaǵy ishki jáne syrtqy naryqtyń ıntegrasııasy biz kútken boljamnan asyp tústi dep otyr: 2018  jyldaǵy saýda  aınalymy 2,304 trln AQSh dollaryna jetkenin aıtady.

Bul 2017 jylmen salystyrǵanda 24.8 paıyzǵa kóp eken. Sarapshylar 2019 jyly ınternetti paıdalaný, mobıldi trafıktiń úlesi, onlaın saýda 2020 jyldaǵy naryqtyń betalysyn anyqtaıtyn negizgi trendterge aınalatynyn aıtyp úlgirdi.

Álemdik statıstıkadaǵy Qazaqstannyń úlesi, sarapshylardyń paıymdaýynsha máz emes. IT naryqtaǵy jaǵdaıdy baqylap otyratyn resmı vedomstva da, kásibı qaýymdastyq ta joq eken.  UEM Statıstıka jónindegi komıteti 2019 jyldaǵy ınternet saýda men onlaın saýdany 264,52 mlrd teńgege jetkenin aıtady.

Qazaqstannyń ınternet-bıznes jáne mobıldi kommersııa qaýymdastyǵy bizdiń eldiń álemdik naryqtaǵy úlesi 1,9 paıyzdyń aınalasynda deıdi. Bul jaqsy kórsetkish emes, AQSh-ta, Qytaı men Japonııada bul 10-15 paıyzdyń aınalasynda bolsa, О́zbekstanda 4.5 paıyzǵa jetip qalypty. Al Reseıdiń kórsetkishi 6,2 paıyz. Al úkimet bolsa 2021 jyly Qazaqstandaǵy e-kommersııa naryǵy 9 paıyzǵa jetedi dep úmittenip otyr.

Mamandar ekommersııa naryǵy qatal básekelistik jaǵdaıyna kóshkenin aıtady. Ishki naryqtyń 70 paıyzy qazir Qytaı men Reseı e-kommersııa naryǵy ókilderiniń qolynda. Eger qyzmet mázirinde kishkentaı ǵana kinárat bolsa, tutynýshynyń kózqarasy ózgerip, basqaǵa aýyp ketýi ádben múmkin.  

Otandyq e-kommersııa  naryǵy oıynshylaryna Qazaqstannyń ishki naryǵynyń tarlyq etetini osyǵan deıin de baıqalǵan bolatyn. Olardyń Ortalyq Azııa naryǵyna shyǵýy  otandyq kompanııalardyń sanyn kóbeıtip, qarjylyq kapıtalyn arttyryp otyr. Internet saýda qaýymdastyǵynyń ókilderi О́zbekstan halyqaralyq tólem júıesine qosylǵan kezde otandyq kompanııalardyń ekinshi tynysy ashylatynyna senimdi.

«О́zbekstan men Qazaqstandaǵy e –kommersııa naryǵynyń 76  paıyzy Tashkent pen Almatynyń úlesinde. Qalǵany 24 paıyzy ózge aımaqtar. Eger, bul jalpy halyqtyq sıpatqa ıe bolsa, eki memlekettiń oıynshylary ózgelerdi naryqtan yǵystyryp shyǵara alady», –deıdi  ınternet saýda qaýymdastyǵynyń ókilderi.

Mobıldi qosymshalar baǵdarlamalary ınternet saýda úıleriniń saıttary úshin tapsyrys qabyldaý men oryndaýdyń tetikterin barynsha jyldamdatý úshin jumystar júrgizip jatyr. «Marketleısterdi HHI ǵasyrdaǵy onlaın saýdanyń fenomeni deýge bolady. Bir ǵana servızdiń kómegimen álemniń kez-kelgen núktesinde qonaqúıden oryn brondaýǵa,taýarlardy satyp alýǵa, tipti taqsıga tapsyryp berýge bolady»,–deıdi  CEO Satu.kz  saraptama ortalyǵynyń ókili Ivan Portnoı.

Onyń aıtýynsha, Qazaqstanda  elektrondy kommersııa ındýstrııasynda kóshbasshy bolýǵa, Ortalyq Azııa naryǵyndaǵy úlesti kóbeıtýge múmkindik bar. Dınamıkalyq damýǵa birneshe faktor kedergi keltirip otyr. Birinshi faktor  ınternet –kommersııa alańdarynyń azdyǵy. Jetildirýdi tezdetetin faktor – logıstıka. Taýar óndirýshiden ınternet satyp alýshyǵa deıin jetkizý prosesin jyldamdatýǵa birneshe jyl ketýi múmkin.

Statıstıkalyq málimetterge qaraǵanda, 2019  jyly 110 jańa onlaın-saýda mekemesi tirkelgen. Al saýda naryǵynda 1658 ınternet-dúken jumys isteıdi. Osy naryqtaǵy tutynýshylar sany   5%-ǵa artyp,  71,6 myń adam eńbekpen qamtyldy. Elimizge elektrondyq saýda túsinigi 2005 jyldan beri ene bastady. Turǵyndardyń onlaın-saýdany meńgerý deńgeıi 2015-2016 jyldarmen salystyrǵanda 35 paıyzǵa ósipti. Bul Qazaqstannyń árbir tórtinshi turǵyny ınternet saýdanyń múmkindikterin túsine bastaǵanyn bildiredi.

Demek  Alibaba jáne Wildberries degi 50 akkaýntty álemdik naryqqa ashylǵan tereze dep qabyldaýǵa bolady.  

Sońǵy jańalyqtar

Jitiqaraǵa jańa reanımobıl berildi

Aımaqtar • Búgin, 19:25

Pavlodarda ekobazar ashyldy

Aımaqtar • Búgin, 17:09

Almatyda keıbir kósheler jabylady. Nege?

Aımaqtar • Búgin, 15:50

Jol qurylysyna monıtorıng júrgizilýde

Aımaqtar • Búgin, 14:45

Uqsas jańalyqtar