Aımaqtar • 31 Naýryz, 2020

Áýlıeatada áleýmettik jeliler arqyly onlaın-baıqaýlar ótedi

73 retkórsetildi

Búginde koronavırýs indetiniń taralýyna baılanysty elimizde tótenshe jaǵdaı engizilgeni belgili. Elimiz boıynsha oqýshylardy qashyqtyqtan oqytý júzege asýda. Jastardyń úıde otyrǵan ýaqytyn tıimdi paıdalanýdy uıymdastyrý maqsatynda Jambyl oblystyq jastar saıasaty máseleleri basqarmasy onlaın jarystar, dárister men basqa da oqytý is-sharalaryn ótkizýdi qolǵa alyp otyr.

Atalǵan basqarmanyń basshysy Serikbol Berikqojanyń aıtýynsha, aǵymdaǵy jyldyń sáýir aıynda onlaın túrde ótkiziletin is-sharalardyń jospary bekitilgen. Jospar boıynsha basqarmanyń áleýmettik jelilerdegi resmı paraqshalarynda «Kahoot» ıntelektýaldy oıynynan chempıonat uıymdastyrylady. Munda jastarǵa onlaın keńes berý, hakim aqyn Abaı Qunanbaıulynyń 175 jyldyǵyna oraı «О́lmeıtuǵyn sóz qaldyrǵan artynda» atty kórkemsóz oqý sheberleriniń baıqaýy, ál-Farabıdiń 1150 jyldyǵyna oraı «Álemniń ekinshi ustazy» atty posttar baıqaýy sııaqty sharalar ótedi. Sonymen qatar, qazaq, orys jáne aǵylshyn tilderinen oqytý sabaqtaryn uıymdastyrý, jastarǵa paıdaly taqyryptarda motıvasııalyq keshter men leksııalar uıymdastyrý, medısınalyq maska tigý, tigin óneri, aǵash, temirden buıymdar jasaý sııaqty jastardy qyzyqtyratyn sharalardy uıymdastyryp, onyń beınejazbasyn ıýtýb arnasyna ornalastyrý jáne oblysqa tanymal jas ónerpazdardyń onlaın konsertterin uıymdastyrý sııaqty sharalar ótkizý josparlanǵan.

«Basqarma áleýmettik jelilerdegi paraqshalary arqyly salalyq basqarmalardyń qatysýymen memlekettik qoldaý tetikteri, jumyspen qamtý, kásipkerlik, aýyl sharýashylyǵyn qoldaý, turǵyn úı jáne taǵy da sol sııaqty taqyryptar aıasynda tikeleı efır arqyly onlaın keńes berýdi bastady. Búginde «Memlekettik jastar saıasatynyń júzege asyrylýy men volonterlik qoldaý sharalary», «COVID-2019» koronovırýsynan saqtaný sharalary jáne mindetti áleýmettik medısınalyq saqtandyrý júıesiniń tıimdilikteri» týraly tikeleı efır arqyly onlaın keńester berildi», deıdi Serikbol Berikqoja. 

Jambyl oblysy

Sońǵy jańalyqtar

Jitiqaraǵa jańa reanımobıl berildi

Aımaqtar • Búgin, 19:25

Pavlodarda ekobazar ashyldy

Aımaqtar • Búgin, 17:09

Almatyda keıbir kósheler jabylady. Nege?

Aımaqtar • Búgin, 15:50

Jol qurylysyna monıtorıng júrgizilýde

Aımaqtar • Búgin, 14:45

Uqsas jańalyqtar